સંક્રમણ વચ્ચે સત્યની બીજી બાજુ

અત્યારે ભારતમાં જે રીતે કોરોનાના આંકડા વધી રહ્યા છે, લોકોની બેદરકારી, મેડિકલ સ્ટાફની લાલચ, પોલીસની દાંડાઈ, ઍરપોર્ટ સ્ટાફની દાદાગીરી વગેરે વગેરે વાતોની ચર્ચા ચાલી રહી છે, ત્યારે મારે સત્યની બીજી બાજુ જાતઅનુભવે રજૂ કરવી છે.

- શિવાની દેસાઈ

મારે તાજેતરમાં અનિવાર્ય સંજોગોને કારણે ૧૫ દિવસ માટે ઇન્ડિયા જવાનું થયું. અમદાવાદ ઍરપોર્ટ પર પગ મૂકતા જ બૉડી ટેમ્પરેચર ચેક થયું. બેગ્સ આવતા બેગ્સ સેનિટાઇઝ કરવામાં આવી અને ઍરપોર્ટ પર ઠેર ઠેર સેનિટાઇઝરની વ્યવસ્થા જે મેં સાન ફ્રાન્સિસ્કો ઍરપોર્ટ પર પણ ના જોઈ.સ્ટાફ એમને ચેપ લાગી જશે એની પરવા કર્યા વગર તમારી મદદ કરવા તત્પર.