இருளில் கரைந்த மானுடப் பறவைகள்!

அறிஞர் ஞானி அவர்கள் வரலாற்றின் பக்கங்களில் தனி முத்திரையைப் பதித்தவர். கட்சிசார்ந்த மார்க்சியர் தங்களைக் குறுக்கிக் கொண்டபோது மார்க்சியத்திற்கு விரிவான பொருளையும் ஆழமான அர்த்தங்களையும் கொண்டுவந்து நிறுத்தியவர். ஞானி மிகச் சிறந்த மார்க்சியத் திறனாய்வாளர்.

மனிதனின் படைப்பாற்றலையும் அழகியலையும் உள்வாங்கிக் கொண்டவர். மாக்சியத்திற்கு அப்பால் தோன்றிய உயர்வான சிந்தனைகளை ஒதுக்கிவிடாமல் அவற்றின் தேவையை நன்குணர்ந்தமையால் தனது மாக்சியப் பார்வையை செழுமைப்படுத்திக் கொண்டவர்.