പച്ചത്തുരുത്തിലെ സ്നേഹസാന്ത്വനം.

ചെടികളെ ഏറ്റവും ഉയരത്തിൽ വളർത്തിയതിനും, ഏറ്റവും മികച്ച വിളവുണ്ടാക്കിയതിനും, ഒൻപത് ലിംകാ ബുക്ക് ഓഫ് റിക്കോർഡുകൾ നാരായണന് ലഭിച്ചത് അർഹതയ്ക്കുള്ള അംഗീകാരം തന്നെയായിരുന്നു.

- പ്രദീപ് ഉഷസ്സ്

കോൺക്രീറ്റ് കെട്ടിടങ്ങൾ തലയുയർത്തി നിൽക്കുന്ന നഗരത്തിരക്കുകൾക്കിടയിൽ, ഹരിതത്തുരുത്തുപോൽ ഒരിടം... വീടിന് ചുറ്റുമുള്ള ഇടങ്ങളെല്ലാം ഒരൽപ്പം പോലും വെറുതെയിടാതെ, വിവിധയിനം പച്ചക്കറികളും, ഫലവർഗ്ഗങ്ങളും തഴച്ചു വളർന്നു നിൽക്കുകയാണ്... ഇളംവെയിലേറ്റ്, ആ തളിരിലകൾ തലയാട്ടി നിൽക്കുന്നത് തന്നെ, മനോജ്ഞമായോരനുഭവമത്രേ...