ഫാമിലിക്കായൊരു ഇ സ്കൂട്ടർ

ഇലക്ട്രിക്കൽ വിപണിയിലെ പ്രശസ്ത ബ്രാൻഡായ ആർആർ ഗ്ലോബലിൽനിന്നൊരു കിടിൻ ഫാമിലി സ്കൂട്ടർ

- Roshni

ബിഗൗസ്സ് എന്ന പേർ പരിചിതമല്ലെങ്കിലും ആർആർ കാബെൽ, ആർആർ ഗ്ലോബൽ എന്നിവ മിക്കവരും കേട്ടിട്ടുണ്ടാകും. ഇലക്ട്രിക്കൽ വിപണിയിലെ പ്രശസ്ത ബ്രാൻഡുകളിലൊന്നാണിത്. ഇവരുടെ ഇലക്ട്രിക് ഓട്ടമൊബീൽ ബ്രാൻഡാണ് ബിഗൗസ്സ്, നഗര ഉപയോഗങ്ങൾക്കുള്ള പ്രീമിയം ഇ സ്കൂട്ടറുകളാണ് ഇവരുടേത്. പുനെയിലാണ് സ്കൂട്ടർ നിർമിക്കുന്നത്.

135 കിമീ റേഞ്ച് ലഭിക്കുന്ന സി12ഐ മാക്സ് ആണ് പ്രധാന താരം. വിപണിയിലെ വമ്പന്മാരോ ടൊപ്പം ഇടിച്ചുനിൽക്കാൻ കെൽപുള്ള മോഡൽ. വിശദമായ ടെസ്റ്റ് ഡ്രൈവിലേക്ക്.

ഡിസൈൻ

 ഫാമിലി സ്കൂട്ടർ ഡിസൈനിനോട് സാമ്യം തോന്നും കാഴ്ചയിൽ. കോം വലയമുള്ള എൽഇഡി വട്ടക്കണ്ണുകൾ, സ്റ്റൈലിഷ് ഇൻഡിക്കേറ്റർ ഒത്ത നടുക്ക് ബിഗൗസ്സ് എംബ്ലം. എൽഇഡി ഡിസ്പ്ലേ. ട്രിപ് മീറ്റർ, ബാറ്ററി ചാർജ് നില തുടങ്ങിയവ അറിയാം. ഹാൻഡിലിന് ഇരുവ ശത്തുമായി നൽകിയിരിക്കുന്ന സ്വിച്ചിലൂടെ സ്കൂട്ടർ നിയന്ത്രിക്കാം. സാധാരണ സ്കൂട്ടറുകളിൽ നിന്നു അൽപം താഴെയാണ് പവർ കീ, ഹോൺ കീ എന്നിവയുടെ സ്ഥാനം.