ഡ്രൈവിങ് സീറ്റിൽ ഡ്രൈവർ തന്നെയാണോ നാം

ചിന്തകൾ ഡ്രൈവിങ്ങിനെ സ്വാധീനിക്കുമ്പോൾ...

- ദിലീപ് കുമാർ കെ.ജി. ആർടിഒ മലപ്പുറം.

പ്രാഞ്ചിയേട്ടൻ ആൻഡ് സെയ്ന്റ് എന്ന സിനിമയിൽ പോളി എന്ന കഥാപാത്രം ജഗതി ശ്രീകുമാറിനോടു ചോദിക്കുന്ന ഒരു ചോദ്യമുണ്ട്, കൈകൊണ്ടും കാലുകൊണ്ടും എതിർദിശയിലേക്ക് ആറ് എന്ന സംഖ്യ എഴുതാൻ കഴിയുമോ എന്ന്.

സാധ്യമല്ല എന്നതുതന്നെയാണ് ഉത്തരം

എവിടെയാണോ നമ്മുടെ ശ്രദ്ധ വരുന്നത്, അപ്പോൾ മറ്റു പ്രവൃത്തികൾ സ്വിച്ചിട്ടപോലെ നിൽക്കും. എന്തുകൊണ്ടാണ് റോഡിലെ സൈൻ ബോർഡുകളും വരകളും ഒന്നും നമ്മുടെ ശ്രദ്ധയിൽ പെടാതെ പോകുന്നത്. ഡ്രൈവിങ് സീറ്റിൽ ആണെങ്കിലും പലപ്പോഴും നാമൊരു ഡ്രൈവറായിരിക്കില്ല. മനസ്സ് മറ്റു പല ചിന്തകളിലും കാഴ്ചകളിലും അലയുകയായിരിക്കും. അതിവേഗത്തിൽ ഡ്രൈവ് ചെയ്തുകൊണ്ടിരിക്കുമ്പോഴും അകക്കണ്ണിൽ മറ്റു പലതും കാണുകയും വിശകലനം ചെയ്യുന്നുമുണ്ടാവും. യഥാർഥത്തിൽ വിശകലനം ചെയ്യേണ്ട പലതും വിട്ടുപോവുകയും ചെയ്യും. ഇതാണ് പല അപകടങ്ങളുടെയും അടിസ്ഥാന കാരണം.

ഇൻഅറ്റൻഷനൽ ബ്ലൈൻഡ്നെസ്