സ്റ്റൈലൻ ലുക്കിൽ സിറോസ്

പെട്രോൾ ഡീസൽ എൻജിനുകളുമായി കിയയുടെ പുതിയ കോംപാക്ട് എസ്യുവി

- നോബിൾ എം. മാത്യു

കോംപാക്ട് എസ് യു വി വിപണി പിടിച്ചടക്കാൻ കിയയിൽ നിന്ന് പുതിയൊരു താരം സിറോസ്. 4 മീറ്ററിൽ താഴെമാത്രം വലുപ്പമുള്ള സിറോസ് സോണറ്റിനും സെൽറ്റോസിനും ഇടയിലായാണ് വിപണിയിലെത്തുന്നത്. നാലുമീറ്ററിൽ താഴെ നീളമുള്ള രണ്ടാമത്തെ കിയ മോഡലാണ് സിറോസ്. ആദ്യമെത്തിയത് സോണറ്റ്. പിൻനിരയിൽ വേണ്ടത്ര ഇടമില്ല എന്ന സോണറ്റിന്റെ പരാതി പരിഹരിച്ചാണ് പുതിയ മോഡൽ എത്തിയിരിക്കുന്നത്.

ഡിസൈൻ

ഇവി9, ഇവി3 എന്നിവയിലുള്ള ഗ്ലോബൽ ഡിസൈൻ ഭാഷ്യമാണ് സിറോസിൽ കിയ അവലംബിച്ചിരിക്കുന്നത്. വിപണിയിലുള്ള പഞ്ചിനോടും വാഗൺ ആറിനോടുമൊക്കെ സാമ്യം തോന്നുമെങ്കിലും രൂപകൽപ് നയിലും നിർമാണമികവിലും ഫീച്ചറി സ്പേസിലും വേറിട്ടു ലും ഇന്റീരിയർ നിൽക്കുന്നു സിറോസ്. ബോക്സി രൂപമാണ്. കുത്തനെയുള്ള വലിയ പ്രൊജക്ടർ ഹെഡ്ലാംപ്. സാധാര ണരീതിയിൽ കണ്ടുശീലിച്ച ഡിസൈനെ പാടെ പൊളിച്ചെഴുതുന്ന രൂപമാണ് മുൻവശത്തിന്. ഇവികളുടേതു പോലെയാണ് ഗ്രില്ലിന്റെ ഭാഗം. വലിയ ബംപറിൽ ഗ്രില്ലും എയർ ഇൻടേക്കും നൽകിയിരിക്കുന്നു. പിയാനോ ബ്ലാക്ക് ഫിനിഷും സിൽവർ ഇൻസേർട്ടും മനോഹാരിത കൂട്ടുന്നു.