മുലയൂട്ടലിന്റെ പ്രാധാന്യം

പ്രസവാനന്തരം ആദ്യദിവസങ്ങളിൽ സ്തനങ്ങളിൽ നിന്നും വരു ന്ന ഇളം മഞ്ഞ നിറമുള്ള പാൽ (കൊളസ്ട്രം) നിർബന്ധമായും കുഞ്ഞുങ്ങൾക്ക് നൽകണം. കുഞ്ഞിന് ലഭിക്കുന്ന ആദ്യത്തെ പ്രതിരോധമരുന്നായി ഇതിനെ കണക്കാക്കാം. കൊളസ്ട്രം നൽകുന്നതു വഴി കുഞ്ഞിൻറെ രോഗപ്രതിരോധശേഷി വർദ്ധിക്കുന്നു.

- ഡോ. ഷിബില കെ BAMS. MS(Ayu)

മുലയൂട്ടലിന്റെ പ്രാധാന്യം മനസ്സിലാക്കി പ്രോത്സാഹിപ്പിക്കുന്നതിനായി ലോകാരോഗ്യസംഘടനയുടെ ആഹ്വാനപ്രകാരം എല്ലാവർഷവും ആഗസ്റ്റ് ഒന്നുമുതൽ ഏഴ് വരെ ലോകമുലയൂട്ടൽ വാരമായി (World Breastfeeding Week) ആചരിച്ചു വരുന്നു.കുഞ്ഞുങ്ങളുടെയും അമ്മ മാരുടെയും ആരോഗ്യത്തിനും ക്ഷേമത്തിനും മുലയൂട്ടലിന്റെ പ്രാധാന്യത്തെ കുറിച്ച് അവബോധം വളർത്തുകയെന്നതാണ് ഇതുകൊണ്ട് ലക്ഷ്യമിടുന്നത്. ഇന്നത്തെ തിരക്കുപിടിച്ച ജീവിത സാഹചര്യങ്ങളും ജോലിസംബന്ധമായ വെല്ലുവിളികളും മുലയൂട്ടാതിരിക്കുന്നതിനോ നേരത്തെ മുലയൂട്ടൽ നിർത്തുന്നതിനോ കാരണമാകു ന്നു.അതുകൊണ്ടുതന്നെ ലോകമുലയൂട്ടൽ വാരത്തിന്റെ ഈ വർഷത്തെ പ്രമേയം "നമുക്ക് മുലയൂട്ടാം, ജോലി ചെയ്യാം, പ്രവർ ത്തിക്കാം" ( Let's make breastfeeding and work,work) എന്നതാണ്. ഇതിൻറെ ഭാഗമായി പൊതുയിടങ്ങൾ, ജോലിസ്ഥലങ്ങൾ എന്നിവിടങ്ങളിൽ മുലയൂട്ടൽ കേന്ദ്രങ്ങൾ ആരംഭിക്കുന്നതിനും, ആ മാസക്കാലം ശമ്പളത്തോട് കൂടിയുള്ള പ്രസവാവധി അനുവദിക്കുന്നതിനുള്ള നടപടികൾ ആരംഭിച്ചിരിക്കുന്നു.

ലോകാരോഗ്യസംഘടനയുടെ കണക്കുകൾ അനുസരിച്ച് കുട്ടികളുടെ മരണത്തിൻറെ 45% വും സംഭവിക്കുന്ന ത് പോഷകാഹാരക്കുറവ് മൂലമാണ്. കുഞ്ഞുങ്ങൾക്ക് ആദ്യകാലങ്ങളിൽ ഏറ്റവും നല്ല ആഹാരം മുലപ്പാൽ തന്നെയാണ്. കുഞ്ഞിന്റെ ശാരീരിക വളർച്ചയ്ക്കും ബുദ്ധി വികാസത്തിനും രോഗപ്രതിരോധത്തി നും ആവശ്യമായ എല്ലാ ഘടകങ്ങളും നിർദ്ദിഷ്ടാനുപാതത്തിൽ മുലപ്പാലിലടങ്ങിയുട്ടുണ്ട്. അതിനാൽ കുഞ്ഞിന്റെ ആദ്യത്തെ ആറുമാസം മുലപ്പാൽ മാത്രം നൽകിയാൽ മതിയെന്ന് ലോകാരോഗ്യ സംഘടന നിർദ്ദേശിക്കുന്നു.