ദിനചര്യയുടെ പ്രാധാന്യം ആയുർവേദത്തിൽ

ഉറക്കം ഉണർന്ന് എഴുന്നേറ്റ ശേഷം ശരീരത്തെക്കുറിച്ച് ചിന്തിക്കണം. അതായത് ഉറക്കം ശരിയായിരുന്നോ, രാത്രിയിൽ കഴിച്ച ആഹാരം ദഹിച്ചോ എന്നിങ്ങനെയുള്ള സ്വയം പരിശോധന നടത്തണം. തുടർന്ന് ഇന്ന് ചെയ്തു തീർക്കേണ്ടതായ കാര്യങ്ങളുടെ പദ്ധതി തയ്യാറാക്കുക.

- ഡോ. ഷിബില കെ BAMS. MS(Ayu) Associate professor and HOD, MD Ayurveda college and Hospital, Sikandra, Agra Email: shibila.k@gmail.​com

ആയുസ്സിനെ കുറിച്ച് പ്രതിപാദിക്കുന്ന ചികിത്സാ ശാസ്ത്രം അല്ലെങ്കിൽ ആയുർവേദം.ആരോഗ്യശാസ്ത്രമാണ് ശാരീരികവും മാനസീകവുമായ ആരോഗ്യ പരിപാലനത്തിന് ആയുർവേദം മുൻതൂക്കം നൽകുന്നു. ആയുർവേദ ശാസ്ത്രത്തിൽ രോഗങ്ങളെ ചികിത്സിക്കാൻ മാത്രമല്ല രോഗം വരാതെ പൂർണ്ണ ആരോഗ്യത്തോടെ ഇരിക്കാനുള്ള ചര്യകളും മറ്റും വളരെ വിശദമായി പ്രതിപാദിക്കുന്നുണ്ട്. ആയതിനാൽ ആയുർവേദ ശാസ്ത്രത്തെ സ്വസ്ഥവൃത്തം,ആതുരവൃത്തം എന്ന് രണ്ട് വിഭാഗങ്ങളായി തിരിച്ചിരിക്കുന്നു. രോഗം വരാതെ സൂക്ഷിക്കാൻ പര്യാപ്തമാക്കുന്ന ചര്യകളും ആഹാര ക്രമങ്ങളും അടങ്ങുന്നതാണ് സ്വസ്ഥവൃത്തം. ദിനചര്യയിലാണ് സ്വസ്ഥവൃത്തം ആരംഭിക്കുന്നത്. മറ്റൊരു തരത്തിൽ പറഞ്ഞാൽ ആരോഗ്യ സം രക്ഷണത്തിനായി ആയുർവേദം നിർദ്ദേശിക്കുന്ന ജീവിതശൈലി ക്രമമാണ് ദിനചര്യ. സ്വസ്ഥനായ (ആരോഗ്യവാനായ ഒരാൾ രാവിലെ ഉണരുമ്പോൾ തുടങ്ങി രാത്രി ഉറങ്ങാൻ കിടക്കുമ്പോൾ വരെ എന്തെല്ലാം ചെയ്യണം എന്നതിനുള്ള നിർദ്ദേശങ്ങൾ ആണ് ദിനചര്യയിൽ പ്രതിപാദിക്കുന്നത്.

രാവിലെ ഉണരേണ്ട സമയം

ആരോഗ്യമുള്ള ഒരാൾ ആയുസ്സിന്റെ രക്ഷയ്ക്കായി ബ്രാഹ്മ മുഹൂർത്തത്തിൽ ഉണർന്നെഴുന്നേൽക്കണം. സൂര്യോദയത്തിന് ഏകദേശം ഒന്നരമണിക്കൂർ മുമ്പാണ് ബ്രാഹ്മ മുഹൂർത്തം ആരംഭിക്കുന്നത്.

ശരീര ചിന്ത

ഉറക്കം ഉണർന്ന് എഴുന്നേറ്റതിനുശേഷം ശരീരത്തെക്കുറിച്ച് ചിന്തിക്കണം. അതായത് ഉറക്കം ശരിയായിരുന്നോ, രാത്രിയിൽ കഴിച്ച ആഹാരം ദഹിച്ചോ എന്നിങ്ങനെയുള്ള സ്വയം പരിശോധന നടത്തണം. തുടർന്ന് ഇന്ന് ചെയ്തു തീർക്കേണ്ടതായ കാര്യങ്ങളുടെ പദ്ധതി തയ്യാറാക്കുക.

മലമൂത്ര വിസർജ്ജനം നടത്തുക

എഴുന്നേറ്റാൽ എത്രയും വേഗം മൂത്രവി സർജ്ജനം നടത്തണം. കാരണം ശരീരത്തിലെ ഒട്ടേറെ മാലിന്യങ്ങൾ രാവിലെയുള്ള മൂത്രത്തിലൂടെ പുറന്തള്ളപ്പെടും.

കൃത്യമായ മലശോധന ഉണ്ടെന്ന് ഉറപ്പുവരുത്തുക. അല്ലാത്തപക്ഷം അതിന്റെ നിവർത്തിക്കാനുള്ള കാര്യങ്ങൾ ചെയ്യണം.

പല്ലു തേപ്പ്