കാന്തല്ലൂരിലെ കാണാക്കാഴ്ചകൾ

സഞ്ചാരികളെ വശീകരിക്കുന്ന സ്ട്രോബെറിക്ക്യഷി

കാന്തല്ലൂർ നിറയെ കൃഷിക്കാഴ്ചകളാണ്. ക്യാരറ്റും കാബേജും കോളിഫ്ലവറുമൊക്കെ വിളഞ്ഞു കിടക്കുന്ന മലയോരങ്ങളെന്ന നിലയിൽ മൂന്നാറും കാന്തല്ലൂരും വട്ടവടയുമൊക്കെ മലയാളികൾക്ക് സുപരിചിതമാണ്. എന്നാൽ, അടുത്ത കാലത്ത് ഉത്തരവാദിത്ത ടൂറിസം മിഷന്റെ ഇടപെടലുകൾ വന്നതോടെ കാന്തല്ലൂരിലെ കൃഷിയും കൃഷിക്കാരും “വേറെ ലെവലായി. ഒരു നാട്ടിലെ കൃഷിക്ക് ടൂറിസത്തിലൂടെ എത്ര വളർച്ച നേടാമെന്ന് ഇവർ കാണിച്ചുതരുന്നു. കൃഷിത്തെരുവുകൾ' എന്ന ആശയത്തിലൂടെ സഞ്ചാരികളെ കൃഷിയിടങ്ങളിലേക്ക് നയിക്കുന്ന കാന്തല്ലൂർ മാതൃകയിലെ ഗ്ലാമർ താരങ്ങൾ ഇപ്പോൾ സ്ട്രോബെറിയും ബ്ലാക്ബെറിയുമൊക്കെയാണ്. ഡിസംബർ മുതൽ ബെറികളുടെ വിളവെടുപ്പ് കാലമാണിവിടെ.