പ്രമേഹം നിയന്ത്രിക്കാം ആഹാരത്തിലൂടെ

പൊതുവായ ഭക്ഷണരീതി, കഴിക്കുന്ന മരുന്നിന്റെ അളവ് തുടങ്ങിയവയെല്ലാം വിലയിരുത്തിയാണ് ഓരോ വ്യക്തിയ്ക്കും അനുയോജ്യമായ ആഹാരരീതി ചിട്ടപ്പെടുത്തേണ്ടത്

- ശ്രീലക്ഷ്മി എസ്. ജനറൽ അക്യൂട്ട്ഡയറ്റിഷ്യൻ (എൻ.എച്ച്.എസ്.പ്രൊഫഷണൽ യു.കെ.

പ്രമേഹം ഇന്ന് വളരെ സാധാരണയായി കണ്ടുവരുന്ന ഒരു രോഗാവസ്ഥയായി മാറിയിരിക്കുന്നു. പല കാരണങ്ങളാലാണ് പ്രമേഹം ഉണ്ടാകുന്നത്. അതുകൊണ്ടു തന്നെ ഓരോ വ്യക്തിയുടെയും പൊതുവായ ആഹാരരീതി കഴിക്കുന്ന മരുന്നിന്റെ അളവ്, ഉറക്കത്തിന്റെ ദൈർഘ്യം എന്നിവയുടെയുമൊക്കെ അടിസ്ഥാനത്തിലാണ് ആഹാരരീതി ചിട്ടപ്പെടുത്തേണ്ടത്. ചിട്ടയായ ആഹാരക്രമീകരണത്തിലൂടെയും വ്യായാമത്തിലൂടെയും പ്രമേഹത്തെയും അതിനെ ത്തുടർന്നുണ്ടാകാവുന്ന പല പ്രശ്നങ്ങളെയും വലിയൊരു പരിധിവരെ നിയന്ത്രിക്കാൻ സാധിക്കും.

അരിയാഹാരം പൂർണമായും ഒഴിവാക്കേണ്ട

 പ്രമേഹം എന്ന് കേൾക്കുന്നതോടെ അരിയാഹാരം ഉപേക്ഷിക്കണമെന്ന് കരുതുന്നവരാണ് ഏറെയും. എന്നാൽ അരിയാഹാരം പൂർണമായും വേണ്ടെന്നു വെയ്ക്കേണ്ടതില്ല. അമിതമായ പച്ചരിയുടെ ഉപയോഗം നിയന്ത്രിക്കണം. അതിന് പകരം കുത്തരി കൊണ്ടുള്ള വിഭവങ്ങൾ തയ്യാറാക്കുക. പ്രഭാതഭക്ഷണമായി സാധാരണ ഉപയോഗിക്കുന്ന ഇഡ്ഡലി, ദോശ, അപ്പം തുടങ്ങിയ പച്ചരി കൊണ്ടുണ്ടാക്കുന്ന പലഹാരങ്ങൾ പകരം നുറുക്ക് ഗോതമ്പ് ഉപ്പുമാവ്, ഓട്സ് തുടങ്ങിയവ കൊണ്ട് അപ്പം ഉണ്ടാക്കുന്നതാണ് ഉത്തമം.

തവിടോടുകൂടിയ ധാന്യങ്ങൾ കഴിക്കുന്നതും രക്തത്തിലെ പഞ്ചസാരയുടെ അളവ് നിയന്ത്രിക്കാൻ സഹായിക്കും. അതോടൊപ്പം വിറ്റാമിൻ ബി തുടങ്ങിയവയുടെ ലഭ്യതയും കൂടും.

ഉപ്പ് കുറയ്ക്കാം

 പ്രമേഹത്തോടൊപ്പം ബാധിക്കുന്ന മറ്റൊരു രോഗാവസ്ഥയാണ് രക്താതിമർദം. പഞ്ചസാരയുടെ അളവ് നിയ ന്ത്രിക്കുന്നതോടൊപ്പം ഉപ്പിന്റെ ഉപയോഗം കുറയ്ക്കുന്നതിലൂടെ രക്തസമ്മർദവും നിയന്ത്രിക്കാം. അതുപോലെ ഡയബെറ്റിക് നെഫ്രോപ്പതിയിലേക്ക് എത്തപ്പെടാനുള്ള സാധ്യതയും കുറയുന്നു. ബേക്കറിപ്പലഹാരങ്ങൾ, സംസ്ക്കരിച്ചതും പ്രിസർവ് ചെയ്തതുമായ ആഹാരങ്ങൾ, അച്ചാറുകൾ, പപ്പടം ഇവയിലെല്ലാം ഉപ്പിന്റെ അളവ് കൂടുതലാണ്. സോഡിയത്തിന്റെ അളവ് കുറവുള്ള ആപ്പിൾ, പിയർ തുടങ്ങിയ പഴങ്ങളും കുമ്പർ തുടങ്ങിയ പച്ചക്കറികളും ഉൾപ്പെടുത്താൻ ശ്രദ്ധിക്കുക.

പഴങ്ങൾ ആവശ്യമാണ് പഴങ്ങൾ ആഹാരത്തിൽ ഉൾപ്പെടുത്താൻ ശ്രദ്ധിക്കണം.