ഒപ്പം നിൽക്കാൻ ഒപ്പം

കാൻസർ ബാധിതർക്കും കൂടെയുള്ളവർക്കുമുള്ള ബുദ്ധിമുട്ടുകൾ പരിഹരിക്കാൻ മലബാർ കാൻസർ സെന്ററിൽ ഒരുക്കിയ സംവിധാനമാണ് ‘ഒപ്പം

രോഗികൾക്കും കൂടെയുള്ളവർക്കുമുണ്ടാകുന്ന ഏത് തരത്തിലുള്ള ബുദ്ധിമുട്ടുകളും എത്രയും വേഗം പരിഹരിക്കാൻ ഒരു വാട്സ്ആപ് കൂട്ടായ്മ. അതാണ് ഒപ്പം. തലശ്ശേരിയി ലെ മലബാർ കാൻസർ സെന്ററിലാണ് ഇത്തരമൊരു കൂട്ടായ്മയുള്ളത്. കോവിഡ് ലോക്ഡൗൺ കാലത്താണ് ഇങ്ങനെയൊരു ആശയത്തി ന് തുടക്കം കുറിച്ചത്. ഈ കൂട്ടായ്മയെ മുന്നോട്ട് നയിക്കുന്നത് അവിടുത്തെ ആരോഗ്യ വിവര സാങ്കേതിക വിദ്യാവിഭാഗമാണ്. ഡോക്ടർ മാർ, അഡ്മിനിസ്ട്രേറ്റീവ്, എഞ്ചിനിയറിങ്, മെയ്ന്റനൻസ്, പാരമെഡിക്കൽ, അനുബന്ധ വിഭാഗങ്ങളിലെ ജീവനക്കാർ തുടങ്ങിയവരെല്ലാം ഈ പരിശ്രമത്തിൽ പങ്കാളികളാണ്.