ആടലോടകം ചൂർണവും സൂപ്പും

ഔഷധപാരമ്പര്യത്തിന്റെ മുഖ്യകണ്ണികളിലൊന്നായ ആടലോടകം ഉപയോഗിച്ച് ചൂർണവും പൽപ്പൊടിയും സൂപ്പുമൊക്കെ തയ്യാറാക്കാം

- ഡോ.കെ.എസ്.രജിതൻ സീനിയർകൺസൾട്ടന്റ് ഔഷധിപഞ്ചകർമ ആശുപത്രി റിസർച്ച് ഇൻസ്റ്റിറ്റ്യൂട്ട്, തൃശ്ശൂർ [e-mail]

നമ്മുടെ ഔഷധപാരമ്പര്യത്തിന്റെ മുഖ്യകണ്ണികളിലൊന്നാണ് ആടലോടകം. കുറ്റിച്ചെടിയായ ആടലോടകം രണ്ടുമൂന്ന് മീറ്റർ വരെ ഉയരത്തിൽ വളരുന്നു. പ്രധാനമായും രണ്ടുതരത്തിലുള്ള ആടലോടകമാണ് കണ്ടുവരുന്നത്. ചെറിയ ആടലോടകവും വലിയ ആടലോടകവും. ചെറിയ ആടലോടകത്തിന്റെ ഇലയിൽ എട്ടുജോടിവരെ ഞരമ്പുകൾ കാണാം. വലിയ ആടലോടകത്തിന്റെ ഇലയിൽ പതിന്നാലിലധികവും. ആടലോടകം അക്കാന്തേസിയെ സസ്യകുടുംബത്തിലാണ് ഉൾപ്പെടുന്നത്.

ആടലോടകചൂർണം

ആടലോടകയില ഉണക്കിപ്പൊടിച്ചത്:100 ഗ്രാം
അരി വറുത്ത് പൊടിച്ചത്:100 ഗ്രാം
കൽക്കണ്ടം പൊടിച്ചത് 200 ഗ്രാം
കുരുമുളകുപൊടി:100 ഗ്രാം
ജീരകപ്പൊടി:100 ഗ്രാം

ഇവയെല്ലാം തന്നെ നല്ലതുപോലെ യോജിപ്പിച്ച് അരിച്ചെടുത്ത് വായുകടക്കാത്ത കുപ്പിയിലാക്കി വയ്ക്കുക. ചുമ, കഫക്കെട്ട്, മൂക്ക് പാലിച്ച ജലദോഷം എന്നീ രോഗങ്ങളിൽ ഒരു ടീസ്പൂൺ വീതം ദിവസം മൂന്നുനേരം കഴിക്കുക.

ആടലോടകക്കാപ്പി

ആടലോടകത്തിന്റെ ഇല ഉണക്കിപ്പൊടിയാക്കിയത്, അര ടീസ്പൂൺ എടുക്കുക. അതിൽ ആവശ്യത്തിന് കാപ്പിപ്പൊടിയും ചേർത്ത് ഒന്നര ഗ്ലാസ് വെള്ളത്തിൽ തിളപ്പിച്ചെടുക്കുക. ചൂടാറുന്നതിനു മുൻപുതന്നെ അരിച്ചെടുത്ത് ചെറുനാരങ്ങനീരും കൽക്കണ്ടവും ചേർത്ത് കുടിക്കുക.

ചുമ, കഫക്കെട്ട്, ജലദോഷം എന്നിവയുള്ളവർക്ക് ഉത്തമമായ പാനീയമാണ് ആടലോടകക്കാപ്പി.

ആടലോടകയില സൂപ്പ്