કળા, વિજ્ઞાન, ઉદ્યોગ, સમાજસેવા ક્ષેત્રના સાત ગુજરાતી સિતારાઓને પદ્મશ્રી

શ્રોતાને શબ્દેશબ્દ સંભળાય અને સમજાય તે રીતે બિલકુલ સ્પષ્ટ ઉચ્ચારણ સાથે ગાવું એ તેમની સૌથી મહત્ત્વની વિશેષતા છે

૨૬ જાન્યુઆરીની પૂર્વ સંધ્યાએ પદ્મ પુરસ્કારોની ઘોષણા કરવામાં આવી એમાં ગુજરાતના કળા, વિજ્ઞાન, ઉદ્યોગ, સમાજસેવા ક્ષેત્રે નોંધપાત્ર યોગદાન આપનાર સાત વ્યક્તિનો સમાવેશ કરવામાં આવતા રાજ્યનું પણ ગૌરવ વધ્યું છે.

હેમંત ચૌહાણ, ભજનિક

હેમંત ચૌહાણ એક ગુજરાતી ભજનિક અને લોકગાયક છે. તેમનો જન્મ ૧૯૫૫માં રાજકોટ જિલ્લાના કુંદણી ગામમાં થયો હતો. તેમનું વિશેષ પ્રદાન ભજન ક્ષેત્રે છે. તેમણે ગુજરાતી ભજન-સંતવાણીનાં અનેક આલ્બમોમાં પોતાનો સ્વર આપ્યો છે. આ ઉપરાંત ગુજરાતી ગરબાનાં સેંકડો આલ્બમોમાં પણ તેમણે કંઠ આપ્યો છે. શ્રોતાને શબ્દેશબ્દ સંભળાય અને સમજાય તે રીતે બિલકુલ સ્પષ્ટ ઉચ્ચારણ સાથે ગાવું એ તેમની સૌથી મહત્ત્વની વિશેષતા છે. પંખીડા ઓ પંખીડા, હે માનવ વિશ્વાસ કરી લે, તું રંગાઈ જા ને રંગમાં વગેરે તેમની અત્યંત લોકપ્રિય થયેલી રચનાઓ છે. હિન્દી ભજનનાં પણ તેમનાં કેટલાંક આલ્બમ બહાર પડેલાં છે, જેમાં કહત કબીર ભાગ ૧ અને ૨ અને પ્રદીપ ભજન (સૂર મંદિર) નોંધનીય છે.

ભાનુભાઈ ચિતારા, પરંપરાગત ચિત્રકાર