પુષ્પા ફિવર : મનોરંજનનું ફાયર! અલ્લુ અર્જુનની આ ફિલ્મનો ત્રીજો ભાગ પણ આવશે

'પુષ્પા ટુ' એટલે કે ‘પુષ્પા : રૂલ'ના પોસ્ટ ક્રેડિટ સીન સાથે ચિંતાઓ પુષ્પાના ત્રીજા ભાગની સત્તાવાર જાહેરાત કરી દીધી છે. ‘પુષ્પા : ધ રૂલ’ના અંતમાં ‘પુષ્પા-૩ : ધ રેમ્પેજ' લખેલું આવે છે. જેમ પુષ્પાના બીજા ભાગ માટે પ્રેક્ષકોએ લાંબા સમય સુધી રાહ જોવી પડી હતી, તે જ રીતે ‘પુષ્પા-૩' માટે પણ તેમને લાંબા સમયની પ્રતીક્ષા કરવી પડશે, કારણ કે અલ્લુ અર્જુન હવે પોતાની અન્ય ફિલ્મોને સમય આપવા માગે છે અને પુષ્પારાજના પાત્રમાંથી થોડો સમય બ્રેક લેવા માગે છે.

- પાર્થ દવે

ત્રણ વર્ષના લાંબા અંતરાલ બાદ આખરે ‘પુષ્પા’ના ફેન્સ જેની કાગડોળે રાહ જોઈ રહ્યા હતા તે ‘પુષ્પા-૨: ધ રૂલ' થિયેટરમાં રિલીઝ થઈ ગઈ છે. ‘પુષ્પા’નો પહેલો ભાગ એટલે કે ‘પુષ્પા: ધ રાઇઝ'થી દક્ષિણ ભારતના સ્ટાર અલ્લુ અર્જુને નોર્થમાં ડેબ્યુ કર્યું હતું. પુષ્પા એકથી જ તેમણે હિન્દી પ્રેક્ષકોને પોતાની તરફ ખેંચ્યા હતા. પુષ્પા ભાગ એકની જબરદસ્ત સફળતા બાદ અલ્લુ અર્જુનના ફેન્સ ‘પુષ્પા-૨ : ધ રૂલ'ની લાંબા સમયથી પ્રતીક્ષા કરી રહ્યા હતા. ‘પુષ્પા-૨’ની રિલીઝને લઈને ઘણા ફેરફાર થયા અને આખરે ૫ ડિસેમ્બરે આ ફિલ્મ થિયેટરોમાં રિલીઝ થઈ છે. ફિલ્મ પ્રેક્ષકો જે અપેક્ષાઓ લઈને ગયા હતા તે અપેક્ષા ઉપર ખરી ઊતરી છે, તેમ કહી શકાય.

‘પુષ્પા: ધ રાઇઝ'ની વાર્તા જ્યાં પૂરી થતી હતી, ત્યાંથી જ ‘પુષ્પાઃ ધ રૂલ'ની વાર્તા શરૂ થાય છે. પુષ્પાના પહેલા ભાગમાં પુષ્પારાજ લાલ ચંદનની સ્મગલિંગ આખા દેશમાં કરતો હતો, પરંતુ પુષ્પા-૨માં તે દેશના સીમાડા વટાવીને હવે વિદેશમાં પણ સ્મગલિંગ કરે છે. જોકે, આ વખતે તેની સામે આઈપીએસ ભવરસિંહ શેખાવત (મલયાલમ અભિનેતા છ્હાદ ફાસિલ) રસ્તો રોકીને બેઠા છે. પુષ્પા -૨માં તેનો રોલ વધુ લાંબો છે. હીરો તરીકે અલ્લુ અર્જુન છાપ છોડે છે, તો વિલનમાં પણ ઠ્ઠાદ ફાસિલે કમાલ કરી છે. શ્રીવલ્લીનું પાત્ર પુષ્પા એક કરતાં વધારે પુષ્પા-૨માં ખીલ્યું છે. તે સિવાય ‘પુષ્પા: ધ રાઇઝ'ના દરેક પાત્રને ‘પુષ્પા: ધ રૂલ'માં સરખો ન્યાય દિગ્દર્શક સુકુમાર દ્વારા આપવામાં આવ્યો છે. સીજીઆઈ અને એક્શન તથા સ્ટન્ટ આ ફિલ્મને નેક્સ્ટ લેવલ પર લઈ જાય છે. ‘પુષ્પા : ધ રાઈઝ'માં પુષ્પાના ઉદય અને શરૂઆતની વાર્તા હતી કે કેવી રીતે એક મજૂરમાંથી લાલ ચંદનનો સૌથી મોટો સ્મગલર એટલે કે પુષ્પામાંથી પુષ્પારાજ બને છે, જ્યારે ‘પુષ્પા ટુ : ધ રૂલ'માં પુષ્પામાં અલ્લુ અર્જુન એટલે કે પુષ્પા કેવી રીતે રાજ કરે છે તેની વાર્તા છે. અને આ રાજમાં પ્રક્ષકોને ખૂબ મજા પડે છે.

ફિલ્મ મોડી રિલીઝ થવાનું કારણ?