એક ટ્રામ ડીપો જ્યાં યાદો તાજી કરાવે તેવું મ્યુઝિયમ છે

ટ્રામની સવારી ઘોડા ખેંચતાં, પછી વીજળી આવી, ઇલેક્ટ્રિક એન્જિન ટ્રામને પાટા પર ચલાવતાં થયા

- મુકેશ ઠક્કર

એશિયાની સૌથી જૂની ઇલેક્ટ્રિક ટ્રામ કોલકાતામાં ધીમી ચાલે સકે છે! આંચકો આપ્યા વગર નિરાંતની મુસાફરી કરાવે છે! જોકે તેનો માર્ગ હવે ટૂંકાઈ ગયો છે.

દક્ષિણ કોલકાતામાં ગરિયાહાટ ટ્રામ ડેપોની અંદર ટ્રામ મ્યુઝિયમ છે. કાફેની આજુબાજુની જગ્યા એ શહેરના વારસાનો ભાગ છે. જેમાં જૂની ટ્રામ કારમાં લોકો ચા કે કૉફીની ચુસ્કીઓ સાથે જોઈ શકે તે માટે છે. ટ્રામ વર્લ્ડ કાફે સવારે ૬ વાગ્યે ખૂલી જાય છે. સવારે ફરવા નીકળતાં નાગરિકો અને કૉલેજિયનો માટે એક મીઠી ચા કે કડક કૉફીનું સરનામું બની ગયું છે! ટ્રામની દુનિયા બિલકુલ બદલાઈ ગઈ છે. પાટા પર ફૂલોનાં કુંડા, આરામદાયક સોફા, ટેબલ અને ખુરશીઓ મૂકવામાં આવી છે. ટ્રામ વર્લ્ડ કાફે બની ગયું છે! ટ્રામ ડેપોનો એક ભાગ આ રીતે શણગારવામાં આવ્યો છે.