આધુનિક સાધનોથી સજ્જ સ્પાઇન ઓપરેશન થિયેટર - સંપૂર્ણ સલામત ઓપરેશન પદ્ધતિ

બોન સ્કાલપેલ અવરોધના નિયમ પર ચાલે છે. જો બોન સ્કાલપેલ સામે અવરોધ વધુ આપવામાં આવે તો એ કાપે છે. એટલે કે જે હાડકાંને કાપવાનું હોય તેના પર કામ કરે છે, પરંતુ જો એ બોન સ્કાલપેલ પર અવરોધ ઓછો આપવામાં આવે એટલે કે જો બોન સ્કાલપેલ સ્નાયુ કે ચેતાતંતુને અડે તો અવરોધ ઘટી જાય અને બોન સ્કાલપેલ આપમેળે અટકી જાય

હિપોક્રેટસ એલોપેથિક સારવાર પદ્ધતિના પિતાએ કહ્યું છે, ‘ડુ નો હાર્મ’ એટલે કે ‘નુકસાન ન કરો'. અતિ આધુનિક સારવાર પદ્ધતિ દ્વારા કહી શકાય કે, ‘ડુ ધ બેસ્ટ’ એટલે કે ‘સર્વશ્રેષ્ઠ કરો'. આ અતિ આધુનિક સારવાર પદ્ધતિમાં આઇ.ઓ.ટી.એસ.એસ.નો સમાવેશ થાય છે. ‘ઇન્ટીગ્રેટેડ આઇ.ઓ.ટી.એસ.એસ.એટલે ઑપરેશન થિયેટર સ્પાઇન ફૂટ'.

ઇન્ટીગ્રેટેડ ઑપરેશન થિયેટર સ્પાઇન સૂટ એટલે સ્પાઇન સર્જરીમાં વપરાતાં, ઑપરેશન થિયેટરમાં એકબીજા સાથે સંકળાયેલાં સાધનોનો સમૂહ. આઇ.ઓ.ટી. એસ.એસ. સાધનોમાં સર્વપ્રથમ S8 નેવિગેશન સિસ્ટમ તથા ઓ આર્મનો સમાવેશ થાય છે. નીચેના ચિત્ર મુજબ ઓ આર્મ એ એક જાતનું સીટી સ્કેનનું મશીન છે જે કોમ્પ્યૂટરમાં દર્દીના મણકાનો નકશો સીટી સ્કેનના રૂપમાં ફીટ કરે છે.

નીચેના ચિત્રમાં બતાવેલ S8 નેવિગૅશન સિસ્ટમ દ્વારા આ સ્પાઇનના નકશા ઉપર સ્ક્રૂ મૂકવાની દિશા જોઈ શકાય છે.

જ્યાં સ્ક્રૂ મૂકવાની પહોળાઈ ચાર મિલિમીટર હોય છે, તેમાં ત્રણ મિલિમીટરની પહોળાઈનો સ્ક્રૂ લગાવવાનો હોય છે અને આ કરવું માત્ર આ બંને મશીનની મદદથી જ શક્ય બને છે. ઑપરેશન દરમિયાન મશીનમાં તકનીકી મુસીબત આવે તો તકલીફ ન પડે તે માટે સ્તવ્યમાં આવા ત્રણ S8 નેવિગેશન સિસ્ટમ તથા ઓ આર્મ છે.