ફેમિલી ઝોન હેલ્થ

અકળાવતારી અળાઈમાં રાહત કેવી રીતે મેળવવી?

- હેતલ ભટ્ટ

અળાઈ અકળાવનારી હોય છે. ઝીણી-ઝીણી. ક્યારેક લાલ રંગની તો ક્યારેક સફેદ રંગની. શરીર પર કપાળમાં, પીઠના ભાગે, ગળામાં ટૂંકમાં જ્યાં પરસેવો થતો હોય અને સૂર્યનાં કિરણો સીધા સ્પર્શતા હોય એ ભાગ પર અળાઈ નીકળવાની શક્યતા વધી જાય છે. અળાઈ મોટા ભાગે પરસેવાને કારણે જ થતી હોય છે, પરંતુ ક્યારેક ઉનાળાની ૠતુમાં શરીરમાં હોર્મોનમાં પરિવર્તન આવવાને કારણે, ગરમીનું પ્રમાણ વધવાને કારણે અને ક્યારેક સંક્રમણને કારણે અળાઈ થતી હોય છે.

અળાઈમાં રાહત મેળવવા માટે મોટા ભાગે લોકો ઠંડા ઠંડા કૂલ ફૂલ જેવા પાઉડરનો ઉપયોગ કરતા હોય છે, પરંતુ ઘરગથ્થુ ઉપચાર દ્વારા પણ અળાઈની સમસ્યામાં રાહત મેળવી શકાય છે. જો સમસ્યા વધી જાય તો તબીબની સલાહ લેવી હિતકારી છે, પરંતુ ઘરગથ્થુ ઉપચાર પણ અળાઈની અકળાવનારી તાસીરમાંથી મુક્તિ અપાવવામાં મદદરૂપ થતા હોય છે.