ஜெயம் ரவி குடும்பத்தைப் பிரித்த கோவா சகவாசம்!

இருவரது தனிப்பட்ட வாழ்க்கை... ப்ரைவஸி... அதில் ஏன் தலையிட வேண்டும்? நமக்கும் அதே நிலைப்பாடு தான்.

ஆனால் அந்த இருவரது பிரிவு லட்சக் கணக்கானோரின் கவனத்தையும் நேரத்தையும் இழுக்கிறது. இருவர் குறித்து வெவ்வேறு வதந்திகள் சமூக ஊடகங்களில் பரவுகின்றன. எது உண்மை என்பதை வாசகர்களுக்குத் தெரிவிப்பதும் மகிழ்ச்சியாக வாழ்ந்த குடும்பத்தை இணைப்பதும் தான் நமது நோக்கம்.

"இது கடினமான முடிவுதான்... ஆனால் தவிர்க்கமுடியவில்லை. இருவரின் நலன் கருதியும் இருவரை சார்ந்தவர்களின் நலன் கருதியும் இந்த முடிவை எடுக்கிறோம். மனம் ஒத்துப் பிரிகிறோம்" இப்படிப்பட்ட வார்த்தைகளுடன் விவாகரத்து அறிக்கைகள் வருவது தமிழ் சினிமாவில் சகஜமாகிவிட்டது. ஆனாலும் இந்த முறை அப்படி ஒரு அறிக்கை, இப்படி ஒருவரிடமிருந்து வந்தது. பெரும்பாலானவர்களுக்கு அதிர்ச்சியையே தந்தது. ஆம்...ஆறு மாதம் முன்புகூட அனைவரின் கண்படும்படி வாழ்ந்துவந்த ஜெயம் ரவி - ஆர்த்தி ரவி இருவரும் பிரிவதாக, ரவியிடமிருந்து இப்படி ஒரு அறிவிப்பு வந்தது. இது குறித்து முன்பே சின்னச் சின்ன செய்திகள் வந்தபோதும் அவை அவை வதந்தியாக இருக்குமென்பதே ஜெயம் ரவி -ஆர்த்தி ரவி இருவரையும் அறிந்தவர்கள், ரசிகர்கள் நம்பிக்கையாக இருந்தது.

இந்த அறிவிப்பில் ஒரு பெரிய வித்தியாசம் இருந்தது... அறிவித்தவர்கள், கிட்டத்தட்ட ஒரே மாதிரியான வரிகளில் கணவன் -மனைவி இருவரின் பெயர்கள் மட்டும் மாற்றப்பட்டு தனித்தனியே அறிவிப்புகள் வந்தன.