போதைப் பொருள் கடத்தல் நெட்வொர்க்கில் காக்கிகள்! அதிரவைக்கும் உண்மை!

தமிழகத்தில் புழக்கத்திலி ருக்கும் கஞ்சா உள்ளிட்ட போதை வஸ்துகளைக் கட்டுப்படுத்துவது தமிழக அரசிற்கு பெரும் சவாலான முயற்சியாக உள்ளது.

- துரை.மகேஷ்

ஆனால் இந்த முயற்சிகளை வீணடிக் கும் விதமாக போதை வஸ்துகளை கட்டுப்படுத்த வேண்டிய காவல்துறையும், மத்திய போதைப் பொருள் தடுப்பு அதிகாரிகளும் போதைக் கடத்தல்காரர்களுடன் சம்மந்தப்பட்டிருப்பதால், அதில் பின்னடைவே நிலவிவருகிறது.

சமீபத்தில் சென்னையிலுள்ள பூங்காவில் 3 பேரை காவல்துறையினர் கைது செய்தனர். கைதுசெய்யப்பட்டவர்களிடம் விசாரணை மேற்கொள்ளப்பட்டதுடன், அவர்கள் பயன்படுத்தும் செல்போன் எண்களை வைத்தும் விசாரணை மேற்கொள்ளப்பட்டதில், மன்சூர் அலிகான் மகன் துக்ளக், புதுப்பேட்டை யோகேஷ், பாசில் அகமது, முகமது ரியாஸ், சையது சிராஜ், குமரன், சந்தோஷ்குமார் ஆகியோர் கைதுசெய்யப்பட்டனர்.

இவர்களுக்குப் பின்னாலிருக்கும் அந்த மர்ம நபர், மர்ம கும்பல் யார் என்பது குறித்து சென்னை கமிஷனர் அருண், தெற்கு கூடுதல் கமிஷனர் கண்ணன், வடக்கு கூடுதல் கமிஷனர் நரேந்திரன் நாயர் என மூன்று அதிகாரிகள் தலைமையில் பல்வேறு நடவடிக்கைகளை எடுத்துவருகிறார்கள். நரேந்திர நாயரின்கீழ் இணை ஆணையர் டாக்டர் விஜயகுமார் தனி டீம் டீம் போட்டு தொழில்நுட்ப உதவியோடு போதைப் பொருள் சப்ளையின் முக்கிய இணைப்பு எங்குள்ளது என்பது குறித்து விசாரணை நடைபெற்றுவரும் நிலையில், பிடிபட்ட வர்களின் ஒவ்வொரு எண்ணையும் ஆய்வு செய்ததில் சென்னை அசோக் நகர் காவல்நிலைய காவலர் ஜேம்ஸ் என்பவர் வேட்டையில் சிக்கியிருக் கிறார். இந்த ஜேம்ஸ் யார் என்பது குறித்து காவல்துறை விசாரணையில் ஈடுபட்ட நிலையில், ஜேம்ஸ் ஓரினச் சேர்க்கையாளர்கள் அதிகம் பயன் படுத்தும் GRINDRAPP-ல் தனக்கென்று ஒரு கணக்கைத் திறந்து டேட்டிங் செய்துவந்துள்ளார்.