கட்டுக்கட்டாகப் பணம்! காங்கிரஸ் சீனியருக்குப் பொறிவைக்கும் பா.ஜ.க.!

ஹலோ தலைவரே, தமிழக அமைச்சர் ஒருவரைப் பற்றி வந்திருக்கும் தகவல் ஆட்சி மேலி டத்தை அதிரவைத்திருக்கிறது."

"என்னப்பா, உள்நாட்டுப் போரா?''

"ஆமாங்க தலைவரே, அமைச்சர் செந்தில்பாலாஜிக்கு வழங்கப்பட்ட ஜாமீனை ரத்து செய்யவேண்டும் என்கிற வழக்கு உச்சநீதிமன்றத் தில் விறுவிறுப்பாக நடந்துவருகிறது. ஜாமீன் கொடுத்த உடனேயே அவருக்கு அமைச்சர் பதவி தருவதா? என்றெல்லாம் நீதிமன்றம் அதிரடிக் கேள்விகளை எழுப்பி, பெரும் பரபரப்பை ஏற் படுத்தி வருகிறது. இதன் விசாரணை மீண்டும் 13 ஆம் தேதி வர இருக்கிற நிலையில், இந்த வழக்கின் பின்னணி பற்றி, விதவிதமாகத் தகவல்கள் கசிந்து, இப்போது தமிழக அரசியலில் அதிர்வலைகளை ஏற்படுத்த ஆரம்பித்திருக்கின்றன. அந்த வழக்கைப் போட்ட நபர் வடநாட்டைச் சேர்ந்தவராம். வழக்குக்கு அவரை ஏற்பாடு செய்தது அ.தி.மு.க., பா.ஜ.க. உள்ளிட்ட எதிர்க் கட்சியினர் இல்லையாம். செந்தில்பாலாஜிக்கு தரப்படும் முக்கியத்துவத்தைப் பார்த்த தி.மு.க. அமைச்சரே, அவருக்கு எதிராக இப்படியொரு வழக்கைப் போடச் செய்திருக்கிறார் என்கிற தகவல்தான் இப்போது ஒரு ஆட்சி மேலிடத்தைத் திகைக்க வைத்திருக்கிறது என்கிறார்கள்."

"சரிப்பா, அர்ஜுன் ரெட்டி விவகாரத்தில் விடுதலை சிறுத்தைகள் கட்சித் தலைவர் திருமா வளவன் ரொம்பவும் தயக்கம் காட்டுகிறாரே?"