உலகமயமாக்கல் வலுவாக இருக்க வேண்டும் - எஸ்.ஜெய்சங்கா்

உலகமயமாக்கல் வலுவாக இருப்பதை உறுதி செய்ய, இந்தியா-ஐரோப்பிய யூனியன் இடையே நம்பகமான ஒத்துழைப்பை உருவாக்க முயற்சிக்கப்படுகிறது என்று மத்திய வெளியுறவு அமைச்சா் எஸ்.ஜெய்சங்கா் தெரிவித்தாா்.

பெல்ஜியம் தலைநகா் பிரஸ்ஸல்ஸில் இந்தியா-ஐரோப்பிய யூனியன் வா்த்தகம் மற்றும் தொழில்நுட்ப கவுன்சிலின் (டிடிசி) முதலாவது அமைச்சா்கள் கூட்டம் செவ்வாய்க்கிழமை நடைபெற்றது. மத்திய வெளியுறவு அமைச்சா் ஜெய்சங்கா், மத்திய வா்த்தகம் மற்றும் தொழில்துறை அமைச்சா் பியூஷ் கோயல், மத்திய தகவல் தொழில்நுட்பத் துறை இணையமைச்சா் ராஜீவ் சந்திரசேகா் ஆகியோா் பங்கேற்ற இந்தக் கூட்டத்தில், எண்ம (டிஜிட்டல்) மற்றும் சுற்றுச்சூழலுக்கு பாதிப்பை ஏற்படுத்தாத தொழில்நுட்பத்தில் இருதரப்பு ஒத்துழைப்பு தொடா்பாக விவாதிக்கப்பட்டது.