புதுவை பொதுப் பணித் துறை தலைமைப் பொறியாளர் உள்பட மூவர் கைது

லஞ்ச வழக்கில் சிபிஐ நடவடிக்கை

காரைக்கால், மார்ச் 23: லஞ்ச வழக்கில், புதுவை பொதுப்பணித் துறை தலைமைப் பொறியாளர், காரைக்கால் செயற்பொறியாளர் உள்பட 3 பேரை சிபிஐ அதிகாரிகள் காரைக்காலில் ஞாயிற்றுக்கிழமை கைது செய்தனர்.

காரைக்கால் பொதுப்பணித்துறை மூலம் சாலைகளை மேம்படுத்துதல், கட்டடம் கட்டுதல், நகரப் பகுதியிலும், திருப்பட்டினத்திலும் புதிய குடிநீர் குழாய் பொருத்துதல், மேல்நிலை குடிநீர்த்தேக்கத் தொட்டி கட்டுதல் என ரூ. 100 கோடி மதிப்பிலான பணிகள் நடைபெற்று வருகின்றன. இப்பணிகளில் முறைகேடுகள் நடைபெற்றுள்ளதாகவும், அதிகாரிகள் வருமானத்தை மீறி சொத்து சேர்த்துள்ளதாகவும், சிபிஐ, வருமான வரித்துறைக்கு புகார்கள் வந்தன.

இந்தநிலையில், பொதுப்பணித் துறை அதிகாரியிடம் சனிக்கிழமை ஒரு நிறுவனத்தைச் சேர்ந்தவர் லஞ்சம் வழங்கவுள்ளதாக சென்னை சிபிஐ அதிகாரிகளுக்கு தகவல் கிடைத்தது.