ഇറാന്റെ സൈനിക താവളങ്ങൾ നേരിട്ട് ആക്രമിച്ച് ഇസ്രായേൽ തിരിച്ചടി

രണ്ട് സൈനികർ കൊല്ലപ്പെട്ടു ടെഹ്റാനിൽ വലിയ സ്ഫോടനങ്ങൾ

ജെറുസലം: ഇറാനിൽ ആക്രമണം കടുപ്പിച്ച് ഇസ്രയേൽ. ഇറാനിൽ നടത്തിയ ആക്രമണത്തിൽ രണ്ടു സൈനികർ കൊല്ലപ്പെട്ടതായി ഇറാന്റെ ഔദ്യോഗിക വാർത്താ എജൻസി ഐആർഎൻഎ റിപ്പോർട്ട് ചെയ്തു. ഇന്നലെ പുലർച്ചെയായിരുന്നു ഇറാന്റെ സൈനിക താവളങ്ങൾ കേന്ദ്രീകരിച്ച് ആക്രമണം നടന്നത്. അതേസമയം, ഇറാന്റെ ആണവ, എണ്ണ കേന്ദ്രങ്ങൾ ഇസ്രായേൽ ലക്ഷ്യമിടാത്തത് അയൽരാജ്യങ്ങൾക്ക് ആശ്വാസമായി. എന്നാൽ നേരിട്ടുള്ള ആക്രമണത്തിനു പിന്നാലെ മേഖലയിലെ സ്ഥിതിഗതികൾ ഇനിയും വലുതായേക്കുമെന്ന ആശങ്ക വ്യാപകമായിട്ടുണ്ട്.