ജിഎസ്ടി കൗൺസിൽ തീരുമാനം പഴയത് വിറ്റാൽ പണി കിട്ടും

പഴയ വാഹനങ്ങൾ വിൽക്കാൻ കൂടുതൽ നികുതി ബാധിക്കുക പഴയവാഹനങ്ങൾ വാങ്ങി വിൽക്കുന്ന സ്ഥാപനങ്ങളെ

ന്യൂഡൽഹി: വൈദ്യുതി വാഹനങ്ങൾ ഉൾപ്പടെ പഴയ വാഹനങ്ങളുടെ വിൽപ്പനക്ക് നികുതി വർധിപ്പിക്കാൻ ജി.എസ്.ടി കൗൺസിൽ തീരുമാനം. നിലവിലുള്ള 12 ശതമാനത്തിൽ നിന്ന് 18 ശതമാനമായി വിൽപ്പന നികുതി വർധിപ്പിക്കാനാണ് ഇന്നലെ ചേർന്ന ജി.എസ്.ടി കൗൺസിൽ യോഗം തീരുമാനിച്ചത്. പഴയ വാഹനങ്ങൾ വാങ്ങി ലാഭമെടുത്തു വിൽക്കുന്ന സ്ഥാപനങ്ങളാണ് കൂട്ടിയ നികുതി നൽകേണ്ടി വരിക. വ്യക്തികൾ തമ്മിലുള്ള വാങ്ങലിനും വിൽപ്പനക്കും നിലവിലുള്ള 12 ശതമാനം തന്നെ തുടരും.