പക്ഷിപ്പനിയിൽ അതിജാഗ്രത

കോഴിക്കോട് ചാത്തമംഗലം സർക്കാർ ഫാമിലും പക്ഷിപ്പനി സ്ഥിരീകരിച്ചു

തിരുവനന്തപുരം: ഇടവേളക്കുശേഷം സംസ്ഥാനം പക്ഷിപ്പനി ഭീതിയിലേക്ക് ആലപ്പുഴ, കോട്ടയം ജില്ലകൾക്ക് പുറമെ തിരുവനന്തപുരത്തും പക്ഷിപ്പനി റിപ്പോർട്ട് ചെയ്തതിന് പിന്നാലെ സർക്കാറിന്റെ പ്രാദേശിക കോഴിവളർത്തൽ കേന്ദ്രമായ കോഴിക്കോട്ടെ ചാത്തമംഗലം റീജനൽ പൗൾട്രി ഫാമിലും പക്ഷിപ്പനി സ്ഥിരീകരിച്ചു. ഭോപ്പാലിലെ നാഷനൽ ഇൻസ്റ്റിറ്റ്യൂട്ട് ഓഫ് ഹൈ സെക്യൂരിറ്റി അനിമൽ ഡിസീസസ് (എൻ.ഐ.എച്ച്.എസ്.എ.ഡി) ലാബിൽ നിന്നുള്ള പരിശോധന ഫലം ബുധനാഴ്ച വൈകീട്ടോടെ ലഭിച്ചു.