ઔધોગિક ક્ષેત્રે ગુજરાતની હરણફાળઃ ગ્લોબલ મેન્યુફેકચરિંગ હબ બનવાની દિશામાં આગેકૂચ

દેશને પાંચ ટ્રિલિયન ડોલરનું અર્થતંત્ર બનાવવામાં ગુજરાતના ઔધોગિક વિકાસનો સિંહફાળો

અમદાવાદ, શનિવાર

સામાન્ય રીતે ઐતિહાસિક પ્રક્રિયા અને ખાસ કરીને સમાજના જીવનને અસર કરતું એક ખૂબ જ મહત્ત્વપૂર્ણ અને મજબૂત પરિબળ વેપાર છે. વેપારના વિકાસનું સ્તર લોકોના સાંસ્કૃતિક સ્તરનું મૂલ્યાંકન કરવાના માપદંડમાંનું એક છે અને તે જેટલું ઊંચું એટલા તેમની વચ્ચેના વેપાર સંબંધો વધુ મજબૂત રહે છે અને એટલે જ કહેવાય છે કે વેપાર એટલે કામધંધો, જીવનવ્યવહાર ચલાવવા માટેનો વ્યવસાય. વેપાર એટલે એવી વ્યાવસાયિક-ધંધાકીય પ્રવૃત્તિ કે જેમાં વસ્તુઓ, સેવાઓ, મૂડી, ટેક્નોલોજી, ટેકનિકલ જાણકારી અને માહિતી, બૌદ્ધિક સંપદા વગેરેનો વિનિમય થાય છે. બીજા શબ્દોમાં વેપારમાં આવી વસ્તુઓ-સેવાઓની હેરફેર આવક અને નફા પ્રાપ્તિ માટે કરવામાં આવે છે.