યુવકને સોશિયલ મીડિયામાં જાહેરાત વાંચીને ડોગ ખરીદવાનું ભારે પડ્યું

‘હું ભારતીય સેનામાં ફરજ બજાવું છું. તમને જે ડોગ જોઈએ તે મળી જશે' તેમ કહીં યુવક પાસેથી દસ હજાર પડાવ્યા

અમદાવાદ, ગુરુવાર

૨૧મી સદીના જમાનામાં હવે જીવનજરૂરી વસ્તુઓ ખરીદવાનું અને વેચવાનું ખૂબ જ સરળ બની ગયું છે ત્યારે હવે સોશિયલ મીડિયાના માધ્યમથી કેટલાંક લેભાગુ તત્ત્વો સક્રિય થયાં છે અને લોકોને પોતાની જાળમાં ફસાવીને તેમની સાથે છેતરપિંડી કરી રહ્યાં છે. આવો જ એક કિસ્સો ચાંદખેડામાં સામે આવ્યો છે. સોશિયલ મીડિયા પ્લેટફોર્મ પર જાહેરાત વાંચીને ડોગ ખરીદવા જતાં યુવકને દસ હજાર રૂપિયાનો ચૂનો લાગ્યો છે.