બાઈકના નુકસાનની ભરપાઈ નહીં કરતાં હોટલના માલિક પર યુવકે હુમલો કર્યો

રસોઈની તાલીમ લેનારા યુવકની બાઈક લઈ કારીગર શાકભાજી ખરીદવા ગયો ત્યારે અકસ્માત સર્જાયો હતોઃ વળતર ચૂકવવાની બાંયધરી હોટલ માલિકે આપી હતી

અમદાવાદ, સોમવાર

શહેરના ચાંદખેડા વિસ્તારમાં આવેલી ખાનાખજાના હોટલના માલિક પર ટ્રેનિંગ માટે આવેલા યુવકે હુમલો કરતાં મામલો બીચક્યો છે. યુવકની બાઇક હોટલનો કારીગર શાકભાજી લેવા માટે લઇ ગયો હતો, જ્યાં તેનો એક્સિડન્ટ થતાં બાઇકને નુકસાન હોટલના માલિકે થયું હતું. કારીગરના પગારમાંથી હપ્તે હપ્તે રૂપિયા ચૂકવી દેવાનું યુવકને કહ્યું હતું. કારીગર નોકરી છોડીને જતાં માલિકે ચાર હજારનો હપ્તો આપવાનો ઇનકાર કરી દેતાં મામલો બીચક્યો હતો.