ஆசியான் பொருளியல் ஒத்துழைப்பில் கவனம் செலுத்தும் மலேசியா

லாவோசில் நடைபெறும் ஆசியான் உச்சநிலை மாநாட்டில், ஆசியானில் பொருளியல் ஒத்துழைப்பை வலுப்படுத்துவதிலும் வட்டார அளவிலான வர்த்தகம், முதலீட்டை மேம்படுத்துவதிலும் மலேசியா கவனம் செலுத்தும் என்று தெரிவிக்கப்பட்டுள்ளது.

44வது, 45வது ஆசியான் உச்சநிலை மாநாடுகளும் தொடர் புடைய மாநாடுகளும் அக்டோபர் 8ஆம் தேதி லாவோசில் தொடங்குகின்றன.

இவற்றில் கலந்துகொள்வதற்காக மலேசியாவின் முதலீடு, வர்த்தகம், தொழில்துறை அமைச்சர் ஸஃப்ருல் அப்துல் அஸிஸ், வியந்தியன் சென்றுள்ளார்.

வட்டாரச் சவால்களுக்குத் தீர்வுகாண்பதற்கு மலேசியா முன்னுரிமை தரும் என்றார் அவர்.

லாவோஸ் தலைநகர் வியந்தியனில் உள்ள தேசிய மாநாட்டு நிலையத்தில் அக்டோபர் 11ஆம் தேதி வரை உச்சநிலை மாநாடு நடைபெறும்.