மழை மீட்புப் பணியில் 21,000 காவல்துறையினர்

விடிய விடிய கொட்டித் தீர்த்த, பலத்த இடியுடன் கூடிய மழை காரணமாக சென்னை உள்ளிட்ட பல மாவட்டங்கள் மாறின.

வெள்ளக்காடாக சென்னை மாநகரின் பெரும் பாலான பகுதிகளில் இடைவிடா மழை பெய்துவரும் மழை மேலும் இரண்டு நாள்களுக்கு நீடிக்கும் என அறிவிக்கப்பட்டுள்ளது.

தென்கிழக்கு வங்கக்கடலில் உருவாகியுள்ள குறைந்த காற்றழுத்த தாழ்வுப் பகுதி, மேலும் வலுப்பெற்று வடமேற்குத் திசையில் நகரும் என வானிலை ஆய்வு மையம் கணித்துள்ளது.

இதன் காரணமாக புதுவை, வடதமிழகம், தெற்கு ஆந்திர கடற்கரைப் பகுதிகளில் காற்றழுத்த தாழ்வுப் பகுதி நிலை கொள்ளும் என்றும் அடுத்த சில நாள்களுக்குத் தமிழகத்தில் மிக அதிக கனமழை பெய்யும் என்று வானிலை மையம் எச்சரித்துள்ளது.

இந்நிலையில், பெருமழையை எதிர்கொள்ளத் தமிழக அரசு பல்வேறு முன்னெச்சரிக்கை நடவடிக்கைகளை மேற்கொண்டு வருகிறது. அடுத்த ஒரு வாரத்துக்குத் தேவையான அனைத்து அத்தியாவசியப் பொருள்களை யும் முன்கூட்டியே வாங்கி வைத்துக் கொள்ளுமாறு அரசு அறிவுறுத்தியுள்ளது.

இதனால் கடைகளில் திங்கட்கிழமை பொதுமக்கள் கூட்டம் அலைமோதியது.

பாம்புளைப் பிடிக்க உதவி எண்

சென்னையில் கனமழை காரணமாக வீடுகளுக்குள் மழைநீர் புகுந்துவிடும் ஆபத்துள்ளதால் தாழ்வான பகுதிகளில் வசிபோரும் பாதுகாப்பான இடங்களுக்கு அப்புறப்படுத்தப்பட்டு வருகின்றனர்.

இந்நிலையில், மழைநீரோடு பாம்புகளும் விஷப்பூச்சிகளும் புகும் ஆபத்துள்ளதால் மக்கள் மத்தியில் அச்சம் நிலவுகிறது.

இதையடுத்து பாம்புகளைப் பிடிக்க உதவி எண் அறிவிக்கப் பட்டுள்ளது.

மின்கம்பி அறுந்து நால்வர் உயிரிழப்பு

சிவகங்கை, கடலூர் பகுதிகளில் திங்கட்கிழமை ஒரே நாளில், கீழே விழுந்து கிடந்த மின்சாரக் கம்பியை மிதித்த 13 வயது சிறுமி உட்பட நான்கு பேர் மாண்டுவிட்டனர்.

இதற்கு அரசின் அலட்சியப் போக்குதான் காரணம் என பாமக நிறுவனர் ராமதாஸ் குற்றம்சாட்டியுள்ளார்.