అందరి ఆత్మీయుడు కలాం

దేశానికి తొలి మిసైల్ అందించిన అబ్దుల్ కలాం తమిళనాడు రాష్ట్రంలోని రామేశ్వరంలో ఒక తమిళ ముస్లిం కుటుంబంలో 1931 అక్టోబరు 15న జన్మించారు.

- డాక్టర్ దేవులపల్లి పద్మజ

దేశానికి తొలి మిసైల్ అందించిన అబ్దుల్ కలాం తమిళనాడు రాష్ట్రంలోని రామేశ్వరంలో ఒక తమిళ ముస్లిం కుటుంబంలో 1931 అక్టోబరు 15న జన్మించారు. తండ్రి జైన్ లబ్దిన్ ఒక పడవ యజమాని, తల్లి ఆపియమ్మ ఒక సాధారణ గృహిణి. చిన్నతనం నుండే కుటుంబం కోసం తండ్రి కష్టంలో భాగం పంచుకుని చిన్నచిన్న పనులు చేసి తండ్రికి సహాయం చేసేవారు. పాఠశాల విద్య తరువాత వారు వార్తాపత్రికలు పంపిణీ చేసేవారు. కలాం కుటుంబంలో చివరివాడు కావటం వలన తల్లిదండ్రులకు చేరిక ఎక్కువగా వుండేది.