'దాశరథి 'అగ్నిధార'

తిరుగుబాటు పోరాటాలకు తి పురిటిగడ్డ వీరభూమి తెలంగాణలో, నిజామాబాదు జైలులో ఒక చరిత్రాత్మక సంఘటన సంచలనం కలిగించింది.

- జయ సూర్య

తిరుగుబాటు పోరాటాలకు తి పురిటిగడ్డ వీరభూమి తెలంగాణలో, నిజామాబాదు జైలులో ఒక చరిత్రాత్మక సంఘటన సంచలనం కలిగించింది.1948లో నిజాం నిరంకుశ పాలన సృష్టిస్తున్న రాజ్యాధికార ఉన్మాదంపై తెలంగాణ యువత కవితా పరంగా అగ్నిసెగలు రగిలిస్తున్న రోజులవి. మహాకవి దాశరథి నైజాం, దురహంకార అణచివేతల కారణంగా సుమారుగా ఇరవై ఏళ్ల వయస్సులో జైలు పాలయ్యారు. మరో ముప్పై మంది ఖైదీలతో వరంగల్లు జైల నుంచి నిజామాబాద్ జైలుకు దాశరథిని కూడా తరలించారు.

దాశరథి జైలు గోడ మీద బొగ్గుతో రాసిన పద్యం..

"ఓ నిజాము పిశాచమా? కానరాడు నిన్ను బోలిన రాజు మాకెన్నడేని, తీగెలను తెంపి అగ్నిలో దింపినావు నా తెలంగాణ, కోటి రత్నాల వీణ"