૯ ટિપ્સ લોન દેખાશે ગ્રીન

લોનને સુંદર અને હરિયાળી રાખવા અહીં જણાવેલી ટિપ્સ ખૂબ કામની સાબિત થશે...

- મનજીત સિંહ

લોન ભલે ને નાની હોય, પરંતુ હરિયાળી હોવી જોઈએ, એવી કે જે જોનારની આંખને ઠંડક આપે, પગ મૂકો તો મખમલી ઘાસનો અહેસાસ થાય, પરંતુ આવી લોનની ઈચ્છા માટે અહીં જણાવેલ કેટલીક જરૂરી વાતને તમારે ધ્યાનમાં રાખવી પડશે :

જમીનની પસંદગી : બગીચામાં લોન કેવા પ્રકારની, ક્યાં અને કઈ સાઈઝની બનાવવામાં આવે તેના માટે સૌપ્રથમ પોતાના મકાનના પ્લોટની સાઈઝ જોઈ લો. જો ૫૦૦ વારના પ્લોટની પાછળ લોન તૈયાર કરી રહ્યા છો તો ઘાસ ખરાબ ન થાય, તેની પર આરામથી ચાલી શકાય, તેના માટે લોનની ચારે બાજુ ચાલવા માટે એક પગદંડી બનાવો. ધ્યાન રાખો, ગોળ પથ્થર થોડા અંતરે મૂકીને આકર્ષક રસ્તો બને.

જમીનની તપાસ : જ્યારે નક્કી થાય કે લોન ક્યાં બનાવવી છે, તો સૌપ્રથમ કોઈ સોઈલ એજન્ટ પાસે તમારી જમીનની તપાસ કરાવો. દિલ્લી પૂસા ઈન્સ્ટિટ્યૂટમાં સોઈલ ટેસ્ટ લેબમાં કોઈ નિષ્ણાત પાસેથી અથવા કોઈ સારી નર્સરીમાંથી જમીન તપાસની સર્વિસ મેળવી શકાય છે. આ સોઈલ વિશેષજ્ઞ તમારી જમીન વિશે સંપૂર્ણ જાણકારી આપશે જમીન કયા પ્રકારની છે, રેતાળ છે, ચીકણી છે કે પછી પથરાળ.