ஆபத்தில் சிக்கவைக்கும் அழகு, ஆரோக்கிய முயற்சிகள்!

உடல்நலத்தோடு அழகும் தான் அனைவரும் விரும்புவது. அதற்கேற்ற உணவு, உடை பழக்கவழக்கங்களை ஏற்படுத்திக்கொள்ளவே பரம பிரயத்தனப்படுகின்றனர். ஆனால், பிள்ளையார் பிடிக்க குரங்காக மாறிய கதையாக சிலவேளை தவறு நேர்ந்துவிடுகிறது.

- நெல்லைபரிதி

உடல்நலக்கோளாறோடு முடிந்துவிட்டால் கூட பரவாயில்லை, உயிரோடும் முடிந்துவிடுவதால் பெரும்பிரச்சினையாகிறது.

* தெலுங்கானா மாநிலம் ஹைதராபாத் ஓல்ட் சிட்டியை சேர்ந்த இளம்பெண் ஒருவர் தன் கணவரின் விருப்பத்திற்காக தலைமுடியை ஸ்டைலாக வெட்டுவதற்காக அருகில் உள்ள அழகு நிலையத்திற்கு சென்றுள்ளார். அவரின் தலையில் அழகு நிலைய ஊழியர்கள் எண்ணெய் ஒன்றை தடவி உள்ளனர்.

அடுத்த நொடி, முடி அனைத்தும் உதிர்ந்து தலை மொட்டையானதால் அதிர்ச்சி அடைந்த அந்த பெண் காவல் நிலையத்தில் புகார் அளித்தார்.

தலை முடி கொட்டிய நிலையில் வீட்டுக்கு சென்ற மனைவியை அடையாளம் தெரியாமல் கணவர் வாக்குவாதம் செய்துள்ளார்.

மொட்டை தலையுடன் உள்ளவர் தனது மனைவியே இல்லை என்ற கணவர் வாதத்தால் குடும்பத்தில் பெரும் குழப்பமே விளைந்துவிட்டது.