தாராளமாக வீற்கும் தடைசெய்யப்பட்ட மருந்துகள்?

இந்தியா போன்ற பெரிய நாடுகள் சந்தை பொருளாதாரத்தில் முக்கிய அங்கம் வகிப்பவை. அழகு பொருட்கள், மருந்துகள் விற்பனையில் இந்தியா அபரிமிதமான லாபத்தை அள்ளிக் கொடுக்கிறது.

- பரிதி 

இதன் ஆண்டு மருந்து விற்பனை சராசரியாக 1 லட்சம் கோடி. இவ்வளவு பெரிய சந்தை என்பதாலும், மருந்து கட்டுப்பாட்டுக்கு கடின சட்டங்கள் இல்லாததாலும் தவறான மருந்து தயாரிப்புகள் சந்தையை ஆளுமை செய்கின்றன. இங்கு போலி மருந்துகள், கலப்பட, காலாவதி மருந்துகளோடு, அனுமதி பெறாத மருந்துகளும் அதிகம் நடமாடுகின்றன.

இரண்டு அல்லது அதற்கு மேற்பட்ட மருந்துப் பொருட்களின் கலவையான மருந்துகளை, நிலையான டோஸ் கலவை மருந்துகள் (எஃப்.டி.சி.) என்பார்கள்.

அதை எளிமையாக கூட்டு மருந்து எனக் கூறலாம். அதாவது, ஒரு மாத்திரையில் அனைத்து மூலக்கூறுகளையும் சேர்த்து வழங்குவது கூட்டு மருந்து.