தலை கோதும் இளங்காற்று!

பொழுது விடிந்தால், புது வருடப்பிறப்பு என்பதால் மக்கள் மனதில் மகிழ்ச்சி தீயாய்ப் பற்றிக் கொண்டது. வயது வித்தியாசமின்றி கோவை சாலைகள் எங்கிலும் அலைந்தலைந்து இனிப்புகள் வாங்கினர். பூமாலைகள் வாங்கினர். பழங்கள், வாசனைத் திரவியங்கள் வாங்கினர்.

- பட்டுக்கோட்டை ராஜா

'பேக்கரி'களில் மக்கள் கூட்டம் அலைமோதியது. ப்ளாக் பாரஸ்ட், ஸ்வீட் தாண்டர், ஸ்மெல்லிங் ப்ரீஸ் என்று விதவித மான கேக் வகைகள் இளைஞர்கள் தம் காதலியர்க்கு கேக் மூலம் தூதுவிட வாசகங்கள் எழுதி வாங்கினர்.

வண்ணக்கோலப் பொடிகளும், வாணங்களும் அமோக மாய் விற்பனை கண்டன.

இது ஒரு வகையெனின், போதையேற்றிப் புத்தாண்டை வரவேற்க இன்னொரு கூட்டம் 'பார்'களில் முட்டிக் கொண்டி ருந்தது.

இன்னும் சில 'ரெஸ்டாரெண்ட்'களில் காபரே நடனம், காவல்துறையின் அனுமதியுடன் அரங்கேறிக் கொண்டிருந் தது.

கோவை புறநகர்ப்பகுதியில் அமைந்திருந்த மூன்று நட்சத்திர அந்தஸ்து பெற்ற அந்த விடுதியில் வெவ்வேறு மாநி லங்களில் இருந்து அழகியர் வரவழைக்கப்பட்டிருந்தனர். நிர்வாகம் தனது விலையுயர்ந்த ரெகுலர் கஸ்டமர்களுக்கெ னத் தனியறையில் நடனம் ஏற்பாடு செய்திருந்தது.