விலை கொடுத்து வாங்கும் குடிநீர்...கவனம்!

இன்றைய காலக்கட்டத்தில் இயற்கையான முறையில் சுத்திகரிக்கப்பட்டு குடிநீராக விநியோகிக்கப்படும் தண்ணீரை தள்ளி வைத்து விட்டு, கடைகளில் விற்கப்படும் தண்ணீரை வாங்கி பயன்படுத்தும் நிலை இயல்பாக இருக்கிறது.

- எஸ்.ரவீந்திரன்

ஆம்... சில பத்தாண்டுகளாக மினரல் வாட்டர் என்னும் மாயையில் சுத்திகரிக்கப்பட்ட தண்ணீர் நுகர்வை நோக்கி மக்கள் நகர்ந்துவிட்டனர்.

இப்படி விலை கொடுத்து வாங்கும் குடிநீரை சுத்திகரிப்பதற்காக பயன்படுத்தப்படும் செயற்கையான பொருட்கள் உடலுக்கு தீங்கு விளைவிக்கும் என்பது சொல்லித் தெரிய வேண்டியதில்லை.

காரணம் சுற்றுச்சூழலை சீரழிக்கும் பிளாஸ்டிக் கொள்கலன்களின் மூலம் இந்த நீர் விநியோகிக்கப்படுவது முதலாவதாக சொல்லலாம்.

இந்த பிளாஸ்டிக் கொள்கலன்களில் பிஸ்பெனால் ஏ அல்லது பிபிஏ உள்ளது. இந்த இரச ாயனங்கள் சாதாரணமாகவே ஹார்மோன் செயல்பாட்டை பாதிக்கின்றன.