ആദ്യത്തെ പ്രതിഫലം ഒരു രൂപ

വഴിത്തിരിവ് നെടുമങ്ങാട് ശിവാനന്ദൻ

- ഉമ ആനന്ദ്

സംഗീതോപകരണങ്ങളിൽ പ്രഥമസ്ഥാനീയനാണ് വയലിൻ കച്ചേരിക്ക് വയലിൻ അവിഭാജ്യ ഘടകമാണ്. തന്നെയുമല്ല മനസ്സിനെ കൂ ടുതൽ രമിപ്പിക്കുന്നതും വയലിൻ തന്നെ. ജീവിതം തന്നെ വയലിന് വേണ്ടി സമർപ്പിച്ചവരും ഇവിടെയുണ്ട്. ഏഴ് പതിറ്റാണ്ടുകളായി വയലിനുമായി അരങ്ങിൽ ശോഭിക്കുന്ന കലാകാരനാണ് നെടുമങ്ങാട് ശിവാനന്ദൻ. വയലിനെ ജീവശ്വാസമായി കൊണ്ടുനടക്കുന്ന ശിവാനന്ദൻ പിന്നിട്ട വഴികൾ ഓർത്തെടുക്കുന്നു.

“ജന്മംകൊണ്ട് നെടുമങ്ങാട്ടുകാരനാണെങ്കിലും കർമ്മം കൊണ്ട് ചേർത്തലക്കാരനാണ് ഞാൻ. അച്ഛൻ വാസുദേവൻ പിള്ളയുടേയും അമ്മ ദാക്ഷായണി അമ്മയുടേയും എട്ടു മക്കളിൽ മൂന്നാമൻ. അച്ഛൻ സംഗീത വിദ്വാനായിരുന്നു. സംഗീത അധ്യാപകനായ അദ്ദേഹം വീണയിലും വയലിനിലും പ്രാഗത്ഭ്യം തെളിയിച്ചിരുന്നു.

എന്റെ ചേട്ടനെ അദ്ദേഹം വീണ പഠി പ്പിച്ചു. രണ്ടാമതുള്ള ചേച്ചിയെ പാട്ടും ഡാൻസും, മൂന്നാമനായ എന്നെ വയലിൻ, എന്റെ അനുജനെ മൃദംഗം. എ ന്നാൽ അവരാരും പ്രാവീണ്യം നേടിയില്ല. ഇന്ന് ഞാൻ വയലിൻ രംഗത്ത് നിറഞ്ഞു നിൽക്കുന്നുണ്ടെങ്കിൽ അതിന്റെ കാരണം അച്ഛനാണ്. അച്ഛൻ മാത്രമാണ്.

ഞാൻ ഏഴാംതരം ജയിച്ചതും അച്ഛൻ എന്നെ തിരുവനന്തപുരം സംഗീത കോളജിൽ ചേർത്തു. അന്ന് എനിക്ക് പതിമൂന്ന് വയസ്സ്. എന്റെ ജീവിതത്തിലെ മറക്കാൻ പറ്റാത്ത സംഭവവും ആദ്യ വഴിത്തിരിവും ആ കാലഘട്ടത്തിലാണ്.