ഗ്യാസ്ട്രബിൾ ഒഴിവാക്കാം

ഗ്യാസ്ട്രബിൾ ഉണ്ടാക്കുന്ന പ്രശ്നങ്ങൾ ഒരുപരിധി വരെ പരി ഹരിക്കാൻ ചില മാർഗങ്ങൾ സ്വീകരിക്കാവുന്നതാണ്. ഗ്യാസ്ട്രബിൾ ഓരോ വ്യക്തിക്കും ഓരോ രീതിയിലായിരിക്കും..

പ്രായഭേദമില്ലാതെ എല്ലാത്തരം ആളുകളെയും അലട്ടുന്ന പ്രശ്നമാണ് ഗ്യാസ്ട്രബിൾ, ഗ്യാസ്ട്രബിളിനുള്ള കാരണങ്ങൾ ഏറെക്കുറെ മനസിലാക്കിയിട്ടുണ്ടെങ്കിലും, ഇഷ്ടഭക്ഷണങ്ങൾ ഒഴിവാക്കാൻ മടികാണിക്കുന്നവരാണ് പലരും. ജീവിതരീതിയിലും ഭക്ഷണത്തിലും ചില മാറ്റങ്ങൾ വരുത്തിയാൽ ഗ്യാസ്ട്രബിൾ മൂലമുള്ള വലിയ ബുദ്ധിമുട്ടുകൾ ഒഴിവാക്കാനാകും. ഗ്യാസ്ട്രബിൾ ഉണ്ടാക്കുന്ന പ്രശ്നങ്ങൾ ഒരുപരിധി വരെ പരിഹരിക്കാൻ ചില മാർഗങ്ങൾ സ്വീകരിക്കാവുന്നതാണ്. ഗ്യാസ് ട്രബിൾ ഓരോ വ്യക്തിക്കും ഓരോ രീതിയിലായിരിക്കും ബുദ്ധിമുട്ടുകൾ സൃഷ്ടിക്കുന്നത്. വയർ കമ്പിക്കുകയാണ് സാധാരണയായി പലർക്കും അനുഭവപ്പെടുക. കൂടാതെ വയർ വീർക്കുക, ഏമ്പക്കം പോകുക തുടങ്ങിയ ലക്ഷണങ്ങളും ഗ്യാസ ട്രബിളിന്റെ ഭാഗമായി ഉണ്ടാകാറുണ്ട്.

 കാരണങ്ങൾ പലത്

ശ്വാസമെടുക്കുന്ന അവസരങ്ങളിലോ, ഭക്ഷണം കഴിക്കുമ്പോഴോ കുടലിനുള്ളിൽ ഗ്യാസ് വന്നേക്കാം. ഇത് വെളിയിലേക്ക് വരുന്നതാണ് ഗ്യാസ് ട്രബിൾ ഉണ്ടാകാനുള്ള കാരണങ്ങളിലൊന്ന്. കഴിക്കുന്ന ഭക്ഷണത്തിൽ നിന്നും ബാക്ടീരിയയുടെ പ്രവർത്തനത്തിലൂടെ കുടലിൽ ഗ്യാസ് ഉത്പാദിപ്പിക്കപ്പെടുന്നുണ്ട്. കൂടാതെ രക്തത്തിൽ നിന്നും കുടൽ  ഭിത്തിയിലൂടെ കുടലിനകത്തേക്ക് ഗ്യാസ് ഉണ്ടാകാറുണ്ട്. ഇവയിലേതെങ്കിലും അസ്വസ്ഥതകളാകാം ഗ്യാസ് ഉണ്ടാകുന്നതിനു ഇടയാക്കുന്നത്. ഗ്യാസ് പുറത്തേ പോകുന്നത് പ്രധാനമായും രക്തത്തിലേക്ക് തിരികെ പോകുന്നതിലൂടെയാണ്. ഗ്യാസ്ട്രബിളിന്റെ പ്രശ്നങ്ങൾ ഏറ്റവും അധികരിക്കുന്നത് കുടലിനകത്ത് അണുക്കൾ ഉണ്ടാകുന്നതു മൂലമാണ്. ചിലരിൽ കുടലിന്റെ ചലനക്കുറവ് കൊണ്ട് ഗ്യാസ് ഉണ്ടാകാനിടയുണ്ട്. കുടലിന്റെ സാധാരണയായിട്ടുള്ള ചലനം കുറവാണെങ്കിൽ ഗ്യാസുണ്ടാകാനുള്ള സാധ്യതയുണ്ടാകാം. ഗ്യാസ്ട്രബിളിന്റെ ബുദ്ധിമുട്ടുകൾ ഉണ്ടാക്കുന്ന ഭക്ഷണങ്ങൾ നിയന്ത്രിച്ചാൽ ഏറെക്കുറെ ഇതു പരിഹരിക്കാനാകും.