മനോരമ തമ്പുരാട്ടി

ഇതിഹാസത്തിലെ സ്ത്രീകൾ

-  കണക്കൂർ ആർ. സുരേഷ്കുമാർ

മലബാറിലേക്കുള്ള ടിപ്പുവിന്റെ പടയോട്ടം ചരിത്രത്തിൽ വ്യക്തമായി രേഖപ്പെടുത്തപ്പെട്ട ഒരു ഏടാണല്ലോ? എന്നാൽ അതിനിടെ നടന്ന ചില പലായനങ്ങൾ കാര്യമായി അതുപോലെ രേഖപ്പെടു ത്തപ്പെട്ടില്ല. ചരിത്രപുസ്തകങ്ങൾ വേണ്ടവിധത്തിൽ രേഖപ്പെടുത്താതെ പോയ ഒരു സ്ത്രീരത്നത്തിന്റെ പേരുണ്ട്. മനോരമ തമ്പുരാട്ടി. പുരുഷന്മാർ അടക്കിവാണ സംസ്കൃത സാഹിത്യ ചരിത്രത്തിൽ വേറിട്ട ഒരു സ്ത്രീ നാമമായി അവർ ഉണ്ടാവേണ്ടതാണ്. കാര്യമായി രേഖപ്പെടുത്തപ്പെടാതെ അവർ മൺമറഞ്ഞെങ്കിലും പിൻതലമുറയിലുള്ളവർക്ക് ഭാഷയിലും സാഹിത്യത്തിലും ഉയരാനുള്ള ഊർജ്ജം അല്പമെങ്കിലും പകർന്നിരുന്നു അവർ.