വീണ്ടും ഒരു താരോദയം

സിനി-ന്യൂസ്

ആരുടെ തലയിലെഴുത്ത് എപ്പോൾ തെളിയുമെന്ന് ആർക്കും പ്രവചിക്കാൻ പറ്റില്ല. എന്തായാലും നടൻ സിജു വിത്സന് ഇപ്പോൾ രാജയോഗം തെളിഞ്ഞിരിക്കുന്നു. പ്രേമം പോലുളള സിനിമകളിൽ സഹനടനായി വന്ന് ഹാപ്പി വെഡ്ഡിംഗ് പോലുളള ലോബജറ്റ് പടങ്ങളിൽ പ്രധാനവേഷത്തിലെത്തിയെങ്കിലും താരമൂല്യമുളള നടനായി വളരാൻ കഴിവുണ്ടായിട്ടും എന്തുകൊണ്ടോ അദ്ദേഹത്തിന് കഴിഞ്ഞില്ല. മാത്രമല്ല നർമ്മം കലർന്ന വേഷങ്ങളോ പ്രണയിച്ചു നടക്കുന്ന കഥാപാത്രങ്ങളോ മാത്രമേ സിജുവിന് ഇണങ്ങു എന്നതായിരുന്നു വ്യാപകമായ ധാരണ. മികച്ച അഭിനയശേഷിയുളള നടനായി പോലും ആരും സിജുവിനെ പരിഗണിച്ചിരുന്നില്ല. അവിടെയാണ് സംവിധായകൻ വിനയന്റെ തന്റേടം ശ്രദ്ധേയമാവുന്നത്.