ദൊക്ക സീതമ്മ

ഇതിഹാസത്തിലെ സ്ത്രീകൾ

- കണക്കൂർ ആർ. സുരേഷ്കുമാർ

അന്നദാനം എന്ന മഹാ ദർശനത്തെ ജീവിതകാലം മുഴുവൻ ഉയർത്തിപ്പിടിച്ച ഒരു മഹതിയാണ് ആന്ധ്രയിൽ ജീവിച്ചിരുന്ന ഡോക്ക സീതമ്മ. വിശന്നലയുന്നവർക്ക് ഭക്ഷണം നൽകുക എന്നത് അവർ ജീവിത ദൗത്യമായി സ്വീകരിച്ചു. അവർ മാ അന്നപൂർണ്ണയുടെ അവതാരമാണ് എന്നു കരുതുന്നവരുമുണ്ട്.

കിഴക്കൻ ഗോദാവരിയിലെ മണ്ഡപ്പെട്ടയിൽ 1841-ൽ ഒരു സമ്പന്ന ബ്രാഹ്മണ കുടുംബത്തിലാണ് സീതമ്മ ജനിച്ചത്. നരസമ്മയും ഭവാനി ശങ്കറുമാണ് മാതാപിതാക്കൾ. അച്ഛൻ പാവപ്പെട്ടവർക്ക് അന്നദാനം നടത്തുന്നത് കണ്ടാണ് സീതമ്മ വളർന്നത്. അങ്ങനെ അന്നദാന കർമ്മങ്ങളിൽ ഏർപ്പെട്ട അദ്ദേഹത്തിന് ഭുവന്ന ശാസ്ത്രി എന്ന വിളിപ്പേര് പൊതുജനങ്ങൾ നൽകിയിരുന്നു. സീതമ്മയുടെ ചെറുപ്പത്തിൽ അവൾക്ക് മാതാവിനെ നഷ്ടപ്പെട്ടു. തുടർന്ന് സ്നേഹസമ്പന്നനായ അച്ഛനാണ് അവളെ വളർത്തിയത്.