ഒരു ദേശസ്നേഹിയുടെ ആത്മബലി

കഥയും കാര്യവും

- അമ്പലപ്പുഴ രാജഗോപാൽ

പ്രിയമുള്ള കൂട്ടുകാരെ,

നാമിന്ന് ജീവിക്കുന്ന നമ്മുടെ സർവ്വസ്വവുമായ ഈ ഭാരത ഭൂമിക്കു വേണ്ടി സകലതും മറന്ന് സ്വജീവൻ ബലിയർപ്പിച്ച എത്രയോ ധീരദേശാഭിമാനികളാണ് കടന്നുപോയത്.

നമ്മെ പുളകം കൊള്ളിക്കുന്ന നമ്മുടെ കണ്ണുകളെ ഈറനണിയിക്കുന്ന -നമ്മിലെ സ്വദേശാഭിമാനത്തെ പരകോടി ഉത്തേജിപ്പിക്കുന്ന മഹത്വപൂർണ്ണമായ എത്രയെത്ര വീരകഥകൾ ലോകചരിത്രത്തിൽ മറ്റെങ്ങും കാണാത്ത, മറ്റാരോടും ഉപമിക്കാൻ പറ്റാത്ത റാണി ലക്ഷ്മീഭായിയെപ്പോലെയുള്ള ധീരവനിതകൾ.....! ഭഗത് സിംഗിനെപ്പോലുള്ള ആത്മാഭിമാനികൾ...... അങ്ങനെയെത്രയെത്ര പേർ.

അവരിലൊരു രക്തനക്ഷത്രമാണ് പുളകം വിതറുന്ന സ്വാഭിമാനത്തിന്റെ ജീവിതകഥ പറയുന്ന ഭാരതഭൂമിയിൽ ജീവിച്ചിരുന്ന മഹാനായ ഖുദിറാം ബോസ്.

തൂക്കിക്കൊല്ലാൻ കൊണ്ടുവന്ന പ്രതിയുടെ തൂക്കം നോക്കിയ പോലീസുകാർ അത്ഭുതപ്പെട്ടിട്ടുണ്ടാവാം; കാരണം, ജയിലിൽ കൊണ്ടുവന്നപ്പോൾ ഉണ്ടായിരുന്നതിലും ഭാരം ഇപ്പോൾ കൂടിയിരിക്കുന്നു.