ജോധാഭായി അക്ബർ

ഇതിഹാസത്തിലെ സ്ത്രീകൾ

- കണക്കൂർ ആർ. സുരേഷ്കുമാർ

രജപുത്ര വനിതയായ ജോധാഭായി അഥവാ ഹർഖൻ ചമ്പാവതിയാണ് പിന്നീട് മറിയം-ഉസ്-സമാനി എന്ന പേരിൽ മുഗൾ വംശ രാജാവായ അക്ബറിന്റെ ഭാര്യയായി ചരിത്രത്താളുകളിൽ ഇടം നേടിയത്. അക്ബർ ചക്രവർത്തിയുടെ മതഭേദമില്ലാത്ത ഭരണത്തിന്റെയും സാമൂഹിക നയങ്ങളുടേയും ഉത്തമ ഉദാഹരണമായി ജോധാഭായിയുമായുള്ള വിവാഹത്തെ കണക്കാക്കാം. നിരവധി ഭാര്യമാർ ഉണ്ടായിരുന്നു എങ്കിലും ചക്രവർത്തി ഏറ്റവും അടുപ്പവും പ്രണയവും സൂക്ഷിച്ചിരുന്നത് ജോധയോടായിരുന്നു എന്ന് ചരിത്രം പറയുന്നു. ഈ രജപുത്ര വനിത കപ്പൽ വ്യവസായത്തിലും കടൽ കടന്നുള്ള വാണിജ്യബന്ധങ്ങളിലും മികവ് പുലർത്തിയിരുന്നു.