മാസ് സിനിമകളുടെ മാസ്റ്റർ

എവർഗ്രീൻ ഹിറ്റ്മേക്കർമാരിലൊ രാളായ ജോഷിയുടെ ചലച്ചിത്ര സപര്യ.

- സജിൽ ശ്രീധർ

അഞ്ച് തലമുറകളിലുടെ കടന്ന് പോയ ഒന്നാണ് ജോഷി എന്ന ചലച്ചിത്രകാരന്റെ സിനിമാ ജീവിതം. പ്രേംനസീർ പുതൽ ആസിഫ് അലി വരെ... ജോഷി ക്യാമറ മുന്നിൽ നിർത്തി ആക്ഷനും കട്ടും പറയാത്ത നടൻമാരില്ല. അഞ്ച് തലമുറകളെ മുൻനിർത്തി സിനിമകൾ ഒരുക്കുകയും അതെല്ലാം തന്റെ വിജയത്തിന്റെ പട്ടികയിൽ എഴുതി ചേർക്കുകയും ചെയ്തു എന്നതാണ് ജോഷിയുടെ പ്രത്യേ കത. സമകാലികരായ പല വലിയ സംവിധായകരുടെയും പ്രഭാവം കുറഞ്ഞപ്പോഴും ഒരേ പ്രതാപത്തോടെ നാല് പതിറ്റാണ്ടായി തല ഉയർത്തി നിന്ന ജോഷി ന്യൂജൻ സിനിമാക്കാർക്കൊപ്പവും താൻ അജയ്യനാണെന്ന് തെളിയിച്ച് മുന്നേറുകയാണ്.

പല വമ്പൻ സംവിധായകരും കാലത്തിനൊത്ത് മാറുന്നില്ല എന്ന പരാതിയിൽ പ്രേക്ഷകർ കയ്യൊഴിഞ്ഞപ്പോൾ ഏറ്റവും പുതിയ ആഖ്യാനരീതിയിൽ സിനിമയൊരുക്കി സിനിമാ പ്രേമികളെ ഞെട്ടിച്ചു കളഞ്ഞു ജോഷി.

പ്രേംനസീറിനെയും രവികുമാറിനെയും സുധീറിനെയും മധുവിനെയും ജയനെയും സോമനെയും സുകുമാരനെയും വച്ച് സിനിമയെടുത്ത് ഹിറ്റാക്കിയ ജോഷി പിന്നീട് മമ്മൂട്ടിയെയും മോഹൻ ലാലിനെയും സുരേഷ്ഗോപിയെയും ജയറാമിനെയും ദിലീപിനെയും പൃഥ്വിരാജിനെയും ജയസൂര്യയെയും ആസിഫ് അലിയെയും വച്ച് പടമെടുത്ത് വിജയിപ്പിച്ചു. അടുത്തിടെ ജോജു വർഗീസിനെയും ചെമ്പൻ വിനോദിനെയും വച്ച് ഒരുക്കിയ പൊറിഞ്ചു മറിയം ജോസ് കളക്ഷൻ റിക്കാർഡുകൾ മറികടന്നു എന്ന് മാത്രമല്ല മികച്ച സിനിമ എന്ന അഭിപ്രായം നേടുകയും ചെയ്തു. ഏറ്റവും ഒടുവിൽ ജോഷി ഒരുക്കിയ പാപ്പൻ തീയറ്ററുകൾ പൂരപ്പറമ്പാക്കി മാറ്റി.

മമ്മൂട്ടി തന്റെ കരിയറിൽ പൂർണ്ണമായും ഔട്ടായെന്ന് പ്രചരിപ്പിക്കപ്പെട്ട കാലത്താണ് ന്യൂഡൽഹി എന്ന സമാനതകളില്ലാത്ത സിനിമയിലൂടെ ജോഷി അദ്ദേഹത്തെ തിരിച്ചുകൊണ്ടുവന്നത്. ക്ലാസ് കമേഴ്സ്യൽ മൂവി എന്ന് ഇന്ത്യൻ സിനിമയിലെ ഇതിഹാസമായ സത്യജിത്ത്റായ് വിശേഷിപ്പിച്ച ന്യൂഡൽഹി ഹിന്ദി, തമിഴ്, തെലുങ്ക് ഭാഷകളിൽ ജോഷി തന്നെ സംവിധാനം ചെയ്ത് വിജയിപ്പി മലയാള താരസംഘടനയായ അമ്മ മുഴുവൻ അഭിനേതാക്കളെയും അണിനിരത്തി ട്വന്റി ട്വന്റി എന്ന പടം നിർമ്മിക്കാൻ തീരുമാനിച്ചപ്പോൾ എല്ലാവർക്കും സ്വീകാര്യതയുളള ഒരു സംവിധായകന് വേണ്ടിയുള്ള അന്വേഷണമായി. ഐക്യകണ്ഠേന എല്ലാ താരങ്ങളും പിൻതുണച്ചത് ജോഷിയെ ആയിരുന്നു. ആ സിനിമയാകട്ടെ വൻവിജയം നേടുകയും ചെയ്തു.