കഴിവ് കണ്ടറിഞ്ഞ് പ്രോത്സാഹിപ്പിക്കുക

കഥയും കാര്യവും

- അമ്പലപ്പുഴ രാജഗോപാൽ

പ്രിയമുള്ള കൂട്ടുകാരെ,

ഓരോരുത്തർക്കും ഓരോ കഴിവുണ്ട്. ആ കഴിവിനെ കണ്ടറിഞ്ഞ് പ്രോത്സാഹിപ്പിക്കുന്നതാണ് ജീവിത വിജയം. മരമറിഞ്ഞു കൊടിയിടുക, ആളറിഞ്ഞു ചങ്ങാത്തം കൂടുക, കഴിവറിഞ്ഞു പ്രോൽസാഹിപ്പിക്കുക എന്നിങ്ങനെ പല ചൊല്ലുകളും കൂട്ടുകാർ കേട്ടിരിക്കുമല്ലോ? ഏതൊരു കുട്ടികുളുടെയും ജന്മവാസനകളെ കണ്ടറിഞ്ഞ് പ്രോത്സാഹിപ്പിക്കുമ്പോഴാണ് അവർ പ്രതിഭകളായി മാറുന്നത്. അർഹതയ്ക്ക് കിട്ടുന്ന ആ അംഗീകാരം അവരെ സമൂഹത്തിന്റെ തന്നെ സമ്പാദ്യമാക്കി മാറ്റുന്നു.

ചമ്പാപുരി ഭരിച്ചിരുന്നത് ചന്ദ്രസേനൻ എന്ന രാജാവായിരുന്നു. വലിയ സംഗീതാസ്വാദകനായിരുന്നു ചന്ദ്രസേനൻ. തന്റെ പുത്രനായ ജയശീലനെ ഒരു മികച്ച സംഗീത വിദ്വാനാക്കാൻ അദ്ദേഹം സദാ ആഗ്രഹിച്ചുപോന്നു.

അതിനുവേണ്ടി അക്കാലത്തെ പ്രഗത്ഭ സംഗീതജ്ഞനായ രാമശാസ്ത്രികളുടെ അടുക്കൽ ശിഷ്യത്വം നൽകി. പക്ഷേ, ജയശീലനാകട്ടെ, സംഗീതത്തിൽ ഒരു താല്പര്യവും ഉണ്ടായിരുന്നില്ല. അത് ഗുരുവായ ശാസ്ത്രികൾക്ക് മനസ്സിലാകുകയും ചെയ്തു.