കർക്കടക മാസം

മലയാളികൾ ശരീരപുഷ്ടിക്കും ആയുരാരോഗ്യ വർദ്ധനവിനുമായി ഔഷധ കഞ്ഞി  കഴിക്കുന്നതും സുഖചികിത്സ നടത്തുന്നതും കർക്കടകത്തിലാണ്. കളരി ചികിത്സയും ഈ മാസം ചെയ്യുന്നത് വിശേഷമാണ്.

- ഡോ: പി.ബി. രാജേഷ്

കൊല്ലവർഷത്തിലെ അവസാനത്തെ മാസമാണ് കർക്കടകം. പഞ്ഞമാസം, രാമായണ മാസം, ഭഗവതി മാസം എന്നൊക്കെ അറിയപ്പെടുന്നു. സൂര്യൻ കർക്കടകം രാശിയിലൂടെ സഞ്ചരിക്കുന്ന സമയമാണ് കർക്കടകമാസം.

കേരളത്തിൽ കനത്ത മഴ ലഭിക്കുന്ന മാസമാണ് കർക്കടകം. അപ്രതീക്ഷിതമായി മഴ പെയ്യുന്നു എന്നതിനാൽ കള്ളക്കർക്കടകം' എന്ന ചൊല്ലു തന്നെയുണ്ട്. അതിനാൽ “മഴക്കാല രോഗങ്ങൾ' ഈ കാലഘട്ടത്തിൽ കൂടുതലായി ഉണ്ടാകുന്നു. കാർഷിക മേഖലയെ സംബന്ധിച്ചിടത്തോളം വരുമാനമില്ലാത്ത കാലമായതിനാൽ പഞ്ഞമാസം' എന്നും വിളിക്കപ്പെടുന്നു.