ജീവിതം ഇങ്ങനെയാണ്

മലയാളികൾക്ക് മറക്കാനാവാത്ത കഥാപാത്രമാണ് നന്ദന’ത്തിലെ ബാലാമണി. ഈ കഥാപാത്രത്തിലൂടെ നവ്യാനായർ മലയാളി മനസ്സുകളിൽ മാത്രമല്ല. അന്യഭാഷക്കാരുടേയും മനസ്സിൽ ചേക്കേറുകയായിരുന്നു. 'ഇഷ്ടം' എന്ന സിനിമയിലൂടെ വളരെ യാദൃച്ഛികമായി സിനിമയിൽ നായികയായി എത്തിയ നവ്യ പിന്നീട് തമിഴ് സിനിമാ ആസ്വാദകരുടെയും മനസ്സിനെ കീഴടക്കി. ശാലീനവേഷങ്ങളിലൂടെ തന്റെ സിനിമയിൽ തന്റെ സ്ഥാനം ഉറപ്പിച്ച നവ്യ പിന്നീട് വിവാഹിതയായി കുടുംബജീവിതത്തിലേക്ക് പ്രവേശിച്ചു. നീണ്ട ഇടവേളയ്ക്കുശേഷം ഒരുത്തീ എന്ന സിനിമയിലൂടെ തിരിച്ചു വന്നിരിക്കുകയാണ് നവ്യ. മലയാളത്തിൽ മാത്രമല്ല ‘ദൃശ്യം 2’ ന്റെ കന്നട പുനരാവിഷ്ക്കാരചിത്രത്തിലൂടെ അവിടേയും നവ്യ ശ്രദ്ധാകേന്ദ്രമാവുകയാണ്. സിനിമയിൽ സജീവമാകാൻ തയ്യാറെടുക്കുന്ന നവ്യയുമായി മഹിളാ രത്ന'ത്തിനു വേണ്ടി ഒരു ലഘു അഭിമുഖം.

- പ്രീതാ അജയ്കുമാർ

കുടുംബജീവിതം മടുത്തിട്ടാണോ വീണ്ടും സിനിമയിലേക്ക്.

കുടുംബജീവിതം മടുത്തിട്ടൊന്നുമല്ല. കുടുംബജീവിതം സമ്മാനിച്ച് നല്ല അനുഭവങ്ങളുമായിട്ടാണ് ഞാൻ സിനിമയിൽ പുനഃപ്രവേശം നടത്തുന്നത്. കുടുംബജീവിതം സന്തുഷ്ടമാണ്. സിനിമയേയും ഇഷ്ടമാണ്. ഒരുത്തി' എന്ന ആ സിനിമ ഒരു മിഡിൽ ക്ലാസ് ഫാമിലിയുടെ സാമ്പത്തിക ബുദ്ധിമുട്ടുകൾ, പ്രശ്നങ്ങൾ എന്നിവയെ അടിസ്ഥാനമാക്കിയുള്ള സമകാലീന പ്രമേയമാണ്. ഒപ്പം ഒരു പെണ്ണിന്റെ ജീവിതത്തിൽ മൂന്നുദിവസം കൊണ്ട് നടക്കുന്ന സംഭവം കഥയിലെ പ്രധാന ട്വിസ്റ്റാണ്. കഥ കേട്ടു. ഇഷ്ടപ്പെട്ടു. അങ്ങനെ അഭിനയിക്കാമെന്ന് സമ്മതിച്ചു.

നവ്യയുടെ മകനും ഈ സിനിമയുടെ ഭാഗമായല്ലോ.

അതെ, എന്റെ മകൻ സായ് ഇപ്പോൾ അഞ്ചാം ക്ലാസിൽ പഠിക്കുകയാണ്. ഞാൻ “ഒരുത്തി ഡബ്ബ് ചെയ്യാൻ പോയപ്പോൾ എന്റെ ഒപ്പം അവനും വന്നിരുന്നു. സംവിധായകൻ എന്റെ മകനെക്കൊണ്ട് അതിൽ അഭിനയിച്ച പയ്യന് വേണ്ടി ഡബ്ബിംഗ് ചെയ്യിക്കാമോ എന്ന് ചോദിച്ചു. കൊച്ചി ഭാഷയായതു കൊണ്ട് അവൻ പെട്ടെന്ന് മനസ്സിലാക്കി ഡബ്ബ് ചെയ്തു.

വീണ്ടും അഭിനയിക്കാൻ തീരുമാനിച്ചതെന്തേ.