BE SAFE

കൊല്ലം ജില്ല സിറ്റി പോലീസ് കമ്മീഷണർ മെറിൻ ജോസഫ് ഐ.പി.എസ് ‘മഹിളാരത്നം’ വായനക്കാർക്ക് നൽകിയ അഭിമുഖം.

- സായിലക്ഷ്മി ചെറുശ്ശേരിമന

ഡെൽഹിയിലെ സ്കൂളിലും, കോളേജിലും പഠിച്ച മെറിൻ ജോസഫ് ഐ.പി.എസ്, ഡെൽഹി സ്റ്റീഫൻസ് കോളേജിൽ നിന്നും സ്വർണ്ണമെഡൽ വാങ്ങിയാണ് പഠനം പൂർത്തിയാക്കിയത്. സെന്റ് സ്റ്റീഫൻസിൽ പോസ്റ്റ് ഗ്രാജുവേഷൻ ചെയ്തുകൊണ്ടിരിക്കെ  സിവിൽ സർവ്വീസ് എഴുതി 2013 ൽ ഐ.പി.എസ് നേടിയ മെറിൻ ജോസഫ് കേരള കേഡറിലൂടെയാണ് കേരളത്തിലേക്ക് വന്നത്. കഴിവിനൊപ്പം ആത്മവിശ്വാസവും, കഠിനാദ്ധ്വാനവും മുഖമുദ്രയാക്കിയ മെറിൻ ജോസഫ് ഐ.പി.എസ് ആണ് ഇപ്പോഴത്തെ കൊല്ലം ജില്ല സിറ്റി പോലീസ് കമ്മിഷണർ.

  ഇന്ത്യൻ ഇക്കണോമിക്സ് സർവ്വീസിലായിരുന്ന അച്ഛൻ ജോസഫ് എബ്രഹാം റാന്നി പുന്ന മുട്ടിൽ സ്വദേശിയാണ്. കോട്ടയം പാമ്പാടി പൊടിപാറയ്ക്കൽ മെറീനയാണ് അമ്മ. അവരുടെ രണ്ടുമക്കളിൽ ഇളയകുട്ടിയാണ് മെറിൻ ജോസഫ്. ഡെൽഹിയിൽ അഭിഭാഷകനായ സഹോദരൻ എബ്രഹാം ജോസഫ്, ഭാര്യ മെറിൻ മാത്യുവിനും, മകൾ മറിയൻ എബ്രഹാമിനുമൊപ്പം ഡെൽഹിയിലാണ് താമസം. മെറിൻ ജോസഫിന്റെ ഭർത്താവ് ചങ്ങനാശ്ശേരി വെള്ളിക്കുന്നേൽ ഡോ. എബ്രഹാം, കൊല്ലം ബെൻസിഗർ ഹോസ്പിറ്റലിൽ സൈക്യാട്രി വിഭാഗം ഡോക്ടറാണ്. ഒന്നര വയസ്സുകാരൻ   ഈഡൻ ആണ് ഇവരുടെ മകൻ.

ഇംഗ്ലണ്ടിൽ നിന്ന് ഹയർ സ്റ്റഡീസ് കഴിഞ്ഞ് വന്നപ്പോഴാണ് തന്റെ കർത്ത വ്യത്തിലേക്ക് പ്രവേശിച്ചത്. ഇതു പോലെ പവർഫുളായ ജോലികളിൽ പെൺകുട്ടികൾ കടന്നുവരണമെന്നാണോ താങ്കളുടെ അഭിപ്രായം.