കൈക്കരുത്തിന്റെ ശ്രെയ

സാധാരണഗതിയിൽ പെൺകുട്ടികൾ അധികവും കടന്നുവരാത്ത മേഖലയാണ് ആംറസ്ലിംഗ്. എന്നാൽ കുട്ടിക്കാലത്ത് തന്നെ ഞാൻ കണ്ടതും, കേട്ടതും, അനുഭവി ച്ചതുമൊക്കെ ജിമ്മുമായി ബന്ധപ്പെട്ട കാര്യ ങ്ങളാണ്. അങ്ങനെ അതൊക്കെ കണ്ട് വളർന്നതുകൊണ്ടായിരിക്കാം, ചെറുപ്പത്തിൽ തന്നെ ആംറസ്ലിംഗിനോടൊക്കെ എനിക്ക് വലിയ താൽപ്പര്യമായിരുന്നു.

- പ്രദീപ് ഉഷസ്സ്

കൈകൾ കോർത്ത് ഏകാഗ്രതയോടെ, ഒരൽപ്പനേരം, പിന്നീട് എല്ലാ ശ്രദ്ധയും ഒരു ബിന്ദുവിൽ കേന്ദ്രീകരിച്ച് ഒരൊറ്റ പിടിത്തം.. എതിരാളികളുടെ ഓരോ നീക്കവും മനസ്സിൽ കണ്ട് അതിനു മുമ്പേ പ്രതിരോധമുയർത്തണം; മറുഭാഗത്തുള്ളയാൾ പതറുന്ന, ഒരു നിമിഷത്തിനായുള്ള ചെറുകാത്തിരിപ്പ്, പിന്നെയെല്ലാം മിന്നർപ്പിണർ വേഗതയിലാണ്. ചുറ്റുമു രുന്ന കരഘോഷം.. വിജയത്തിന്റെ ഗ്രാഫിൽ വേറിട്ട ഒരു മുഹൂർത്തവും കൂടി...

കൈക്കരുത്ത് മാറ്റുരയ്ക്കുന്ന ആം റസ്ലിംഗ് വേദിയാണിത്.

പറയുമ്പോൾ എല്ലാം എളുപ്പത്തിൽ കഴിഞ്ഞു; എന്നാൽ കാര്യങ്ങൾ അത്രയൊന്നും എളുപ്പമല്ലതാനും. വിട്ടുവീഴ്ചയില്ലാത്ത പരിശീലനവും, കഠിനാദ്ധ്വാനവും, നിശ്ചയ ദാർഢ്യവുമൊക്കെ ഒത്തുചേർന്നാൽ മാത്രമേ, ആം റസ്ലിംഗ് മേഖലയിൽ സാന്നിധ്യമറിയിക്കാൻ കഴിയുകയു .

ഒരുകാലത്ത് മുതിർന്ന കായികതാരങ്ങൾ മാത്രം നിറഞ്ഞുനിന്ന വേദിയായിരുന്നു ആംറസ്ലിംഗ് അഥവാ പഞ്ച ഗുസ്തിയുടേത്. എന്നാലിപ്പോൾ ചിത്രങ്ങൾ ആകെ മാറിയിരിക്കുന്നു. ഒട്ടേറെ യുവതാരങ്ങളാണ് ഈ മേഖലയിലേക്ക് കടന്നു വന്നു കൊണ്ടിരിക്കുന്നത്. ആസ്ലിംഗ് രംഗത്ത് ഇതര സംസ്ഥാനങ്ങൾക്കൊപ്പം തലയുയർത്തി നിൽക്കാൻ ഇന്ന് കേരളത്തിന് കഴിയുന്നതിന് പ്രധാന കാരണവും ഈ യുവതാരങ്ങളുടെ അർപ്പണബോധത്തോടെ യുള്ള പ്രവർത്തനങ്ങൾ തന്നെയാണ്.

ആ രംഗത്ത് ഇന്ത്യയുടെ വാഗ്ദാനമായി വളർന്നുകൊണ്ടിരിക്കുന്ന യുവതാരമാണ് ശ്രേയാ സബീഷ്. ഉത്തർപ്രദേശിലെ മഥുരയിൽ ഇക്കുറി നടന്ന ദേശീയ പഞ്ചഗുസ്തി മത്സരത്തിൽ ശ്രേയ നേടിയത് നാല് സ്വർണ്ണമെഡലുകളാണ്. കോഴിക്കോട് കക്കോടി സ്വദേശിനിയായ യ, കോഴിക്കോട് ഐ.എച്ച്.ആർ.ഡി കോളേജിലെ ബി.സി.എ വിദ്യാർത്ഥിനിയാണ്.

ആംറസ്ലിംഗ് രംഗത്തെ കടന്നുവരവിനെക്കുറിച്ച് ശ്രേയ മഹിളാരത്ന'ത്തോട് മനസ്സ് തുറക്കുന്നു.

മനം നിറയെ ആംറസ്ലിംഗ്

സാധാരണഗതിയിൽ പെൺകുട്ടികൾ അധികവും കട

ന്നുവരാത്ത മേഖലയാണ് ആം റസ്ലിംഗ്. എന്നാൽ കുട്ടിക്കാ ലത്ത് തന്നെ ഞാൻ കണ്ടതും, കേട്ടതും, അനുഭവിച്ച തു മൊക്കെ ജിമ്മുമായി ബന്ധപ്പെട്ട കാര്യ ങ്ങ ളാ ണ്. അങ്ങനെ അതൊക്കെ കണ്ട് വളർന്നതു കൊണ്ടായിരിക്കാം, ചെറുപ്പത്തിൽ തന്നെ ആം റസിംഗിനോടൊക്കെ എനിക്ക് വലിയ താൽപ്പര്യമായിരുന്നു.